Mae Panel Strategaeth Datgarboneiddio Llywodraeth Leol wedi’i sefydlu i helpu i arwain, cefnogi a rhoi trosolwg strategol i waith Datgarboneiddio mewn llywodraeth leol. Gan gydweithio, bydd y Panel yn rhannu arbenigedd, tystiolaeth a datrysiadau i sicrhau bod buddsoddiad, strategaeth a pholisi mor effeithiol ag sy’n bosibl.
Cyfarfu’r Panel dros y we am y tro cyntaf yn ystod Wythnos yr Hinsawdd Cymru (2-6 Tachwedd 2020), ac maen parhau i cwrdd misol. Mae’r Panel yn gweithio gyda Llywodraeth Cymru i ddatblygu polisïau uchelgeisiol ar gyfer Cynllun Cyflawni Carbon Isel nesaf Cymru ar sail y meysydd blaenoriaeth i’r sector cyhoeddus – caffael, adeiladau, trafnidiaeth a defnydd tir. Mae disgwyl i’r Cynllun cael eu cyhoeddi yn ystod yr hydref 2021.
Gan gydnabod bod llawer o waith sy’n mynd rhagddo eisoes, nad bwriad y Panel oedd efelychu grwpiau a gweithgareddau sy’n bodoli eisoes, ond yn hytrach symbylu a chyflymu newid er mwyn mynd i’r afael â’r argyfwng hinsawdd. Yr angen i gydweithio ydy nod allweddol i’r Panel, fel bod modd i awdurdodau rannu arfer da a gwersi a ddysgwyd, yn ogystal â chydweithredu er mwyn lleihau galw ar adnoddau.
Mae llywodraeth leol mewn sefyllfa unigryw i arwain trwy esiampl a chynyddu ymwybyddiaeth y cyhoedd o raddfa a chyflymder newid sydd ei angen i cyrraedd y targed uchelgeisiol at ddod yn sero net erbyn 2030.
Pwy yw aelodau’r Panel?
Mae’r Panel yn cynnwys cynrychiolwyr o awdurdodau lleol ar draws Cymru sy’n cynrychioli eu rhanbarth, aelodau Llywodraeth Cymru, Cymdeithas Llywodraeth Leol Cymru ac ochr yr undebau llafur ynghyd ag arbenigwyr technegol. Er nad yw’r aelodaeth wedi’i chadarnhau eto, mae’r aelodau sydd wedi’u cadarnhau hyd yma wedi’u rhestru isod: