Dyddiad Cau: Dydd Llun 29 Ionawr 2024
Dyddiad Cyfweliad: Dydd Iau 15 Chwefror 2024
Cyflog: Gradd 3* SCP (25 – 29 (£29,577- £32.910)
Tymor: Hyd at 31 Mawrth 2025
Swydd o dan gyfyngiadau gwleidyddol: Ydi
Cymraeg yn hanfodol: Na. Mae gallu siarad ac ysgrifennu’n rhugl yn ddymunol ar gyfer y rôl hon
Ynglŷn â’r Swydd
Mae’r swydd hon yn canolbwyntio’n bennaf ar ddatblygu cynnwys penodol am Anhwylderau Niwroddatblygiadol ar gyfer amrywiaeth o hyfforddiant cenedlaethol, codi ymwybyddiaeth ac adnoddau cefnogol, yn seiliedig ar dystiolaeth o’r angen, tystiolaeth ymchwil ac ymarfer proffesiynol. Mae tair elfen allweddol i’r swydd:
Cyfathrebu (50%)
Gwella gan gynnwys ymwybyddiaeth o bolisïau a dylanwadu arnynt (30%)
Ymchwil (20%)
Mae’r swydd yn darparu capasiti cyfathrebu, ymchwil a gwella ar gyfer y tîm. Agwedd allweddol o’r swydd yw cyfrannu at gynnal a chadw gwefan bresennol AwtistiaethCymru.org / AutismWales.org ac arwain ar allbynnau’r Tîm ar y cyfryngau cymdeithasol. Bydd deiliad y swydd yn rhoi cefnogaeth wrth ymchwilio i ymarfer i lywio digwyddiadau, gweminarau a datblygiadau eraill yn y dyfodol. Mae’r swydd yn cynnwys cysylltu ag uwch weithwyr proffesiynol mewn Byrddau Iechyd ac Awdurdodau Lleol, sefydliadau gwirfoddol, rhieni / gofalwyr a phobl niwrowahanol, a bydd ganddyn nhw ran bwysig mewn cyfathrebu a rhannu gwybodaeth ar draws y grwpiau hyn.
Mae'r swydd hon yn rhan o dîm cefnogi a datblygu integredig unigryw ac mae wedi’i chynnal gan Gymdeithas Llywodraeth Leol Cymru a gweithio mewn partneriaeth ag Iechyd Cyhoeddus Cymru. Mae hon yn swydd genedlaethol Cymru gyfan a bydd yn golygu teithio ledled Cymru.
Gwnewch gais Rŵan!
I gael sgwrs gychwynnol ynglŷn â’r swydd a’r sefydliad, cysylltwch â Wendy Thomas, Pennaeth Gwasanaeth ND Cymru ar 07717822479.
I wneud cais, anfonwch lythyr eglurhaol gyda ffurflen gais wedi'i chwblhau erbyn y dyddiad cau,Dydd Llun 29 Ionawr 2024 i: recruitment@wlga.gov.uk
Gwahoddir ymgeiswyr ar y rhestr fer i gyfweld panel dethol drwy Microsoft Teams ar Dydd Iau 15 Chwefror 2024
Efallai y bydd gofyn i ymgeiswyr ar y rhestr fer gwblhau tasg cyn bod yn bresennol yn y cyfarfod, yn ogystal â thasgau cyn cyfweliad ar y diwrnod, wedi’i ddilyn gan gyfweliad gyda phanel dethol.
Bydd yn ofynnol i'r ymgeisydd llwyddiannus ddarparu tystiolaeth o hunaniaeth a chymhwysedd i weithio yn y DU.