Brexit

Yn union wedi refferendwm y DU ar yr Undeb Ewropeaidd, fe alwodd Cymdeithas Llywodraeth Leol Cymru a thair cymdeithas llywodraeth leol arall o’r DU i sicrhau bod llais llywodraeth leol yn cael ei glywed yn ystod y trafodaethau i adael yr Undeb.

Ers hynny, rydym wedi cynnal nifer o gyfarfodydd gyda Llywodraeth y DU a byddwn yn parhau i gynnal y cyfarfodydd hyn wrth i drafodaethau Brexit symud ymlaen. Mae ein trafodaethau gyda Llywodraeth y DU yn canolbwyntio ar y meysydd canlynol, lle mae’n bwysig bod awdurdodau lleol yn cael gwybodaeth a sicrwydd:   

  • Trefniadau ariannu yn y dyfodol
  • Sicrhau bod llywodraeth leol yn rhan o ddatblygu’r holl drefniadau deddfwriaethol angenrheidiol ar draws prif feysydd sydd o ddiddordeb i lywodraeth leol (caffael, cymorth gwladwriaethol, yr amgylchedd, gwastraff, diogelu'r defnyddiwr, hawliau’r defnyddiwr ac ati) ac y dylid ymgynghori â nhw ar ddeddfwriaeth arfaethedig newydd y DU yn ystod y cyfnod cyn sefydlu deddf
  • Datganoli pwerau’r UE i lefel lleol
  • Effaith Brexit ar lefydd
  • Cyflogaeth a chydlyniant cymunedol

Gall cymdeithasau lleol ar draws y DU ddarparu tystiolaeth hanfodol i Lywodraeth y DU am effaith Brexit yn lleol. Mae CLlC eisoes wedi cyhoeddi dau arolwg Brexit i awdurdodau lleol Cymru a bydd yn cyhoeddi galwadau pellach am dystiolaeth, i ddarparu’r dystiolaeth sydd ei angen er mwyn i Lywodraeth y DU gynllunio ar gyfer Brexit.  

Ar yr un pryd mae CLlLC yn gweithio i ddylanwadu ar gynlluniau Brexit Llywodraeth Cymru. Fe wnaethom gydlynu ymateb Cymru gyfan i’w ymgynghoriad ar Fuddsoddi Rhanbarthol yng Nghymru ar ôl Brexit (Mawrth 2018). Mae gan CLlLC gynrychiolaeth ar Grŵp Cynghori UE y Prif Weinidog ynghyd â gweithgorau amgylcheddol, amaethyddol a materion gweledig Llywodraeth Cymru. Mae CLlLC wedi ymateb i nifer o ymholiadau Cynulliad Cenedlaethol Cymru yn ymwneud â Brexit ers canlyniad y refferendwm.

Caiff holl waith Brexit CLlLC ei oruchwylio gan ein Grŵp Brexit o Aelodau Etholedig. Dyma’r aelodau:

  • Cadeirydd: Cynghorydd Rob Stewart, Dirprwy Arweinydd CLlLC a Llefarydd ar Ddatblygu Economaidd, Ewrop ac Ynni
  • Grŵp Llafur: Cynghorydd Anthony Hunt, Llefarydd CLlLC ar Gyllid ac Adnoddau
  • Grŵp Plaid Cymru: Cynghorydd Ellen ap Gwynn, Llefarydd CLlLC ar y Gymraeg
  • Grŵp Annibynnol: Cynghorydd Hugh Evans, Arweinydd Grŵp Annibynnol CLlLC a Llefarydd ar Wella
  • Grŵp Ceidwadol: Cynghorydd Peter Fox, Arweinydd Grŵp Ceidwadol CLlLC a Llefarydd ar Faterion Digidol ac Arloesi

Mae gan CLlLC Grŵp Brexit mewnol, sydd yn dwyn ynghyd arbenigwyr o bob un o dimau polisi CLlLC ar faterion sy’n ymwneud â Brexit.

Mae gan Gymdeithas Llywodraeth Leol Cymru rôl hanfodol i’w chwarae wrth roi gwybod i Awdurdodau Lleol Cymru am y cynnydd o ran trafodaethau Brexit a sut mae CLlLC yn cynrychioli’r awdurdodau yn y trafodaethau hyn. Rydym yn cyhoeddi diweddariad misol am Brexit, gellir ei dderbyn gan unrhyw aelod etholedig neu swyddogion o awdurdod leol Cymru (Cyswllt: Lucy Sweet, Swyddog Cyfathrebu a Pholisi UE CLlLC). Caiff papurau briffio am Brexit eu paratoi yn rheolaidd hefyd ar gyfer arweinwyr awdurdod lleol (yn aml i gyd-fynd â chyfarfodydd Bwrdd Gweithredol CLlLC, ond cânt eu llunio ar adegau eraill hefyd). Mae CLlLC yn achub ar gyfleoedd i friffio Aelodau Etholedig a swyddogion trwy fynychu cyfarfodydd rhanbarthol neu rwydweithio pwysig.


Brexit - Diogelu Dyfodol Cymru (Llywodraeth Cymru) 

Brexit - Y Cynulliad a Brexit (Cynulliad Cenedlaethol Cymru) 

Brexit - Ymchwil a dadansoddiad (Senedd y DU)

Brexit - Ystafell Newyddion (Yr Undeb Ewropeaidd)

Brexit - (Cymdeithas Llywodraeth Leol)


Cyngor WLGA 01/07/2016 - Canlyniad a'r goblygiadau Refferendwm y DU

Pwyllgor Cydlynu WLGA 24/02/2017 - Y diweddaraf am adael Undeb Ewrop a'r polisïau rhanbarthol sydd ar y gweill

Bwrdd Gweithredu WLGA 20/07/2017 - Gadael Undeb Ewrop a'r goblygiadau i faes llywodraeth leol - cytuno ar Gynllun Gweithredu WLGA 

Cyngor WLGA 24/11/2017 - Brexit a gweithgarwch sy'n ymdrin a'r UE i fewn WLGA 

Is-bwyllgor Rheoli WLGA 18/02/23 - Holiadur Brexit WLGA (2)

(Saesneg yn unig)


Mae rhagor o wybodaeth gan: Lucy Sweet

Datganiadau i'r Wasg

01 Tachwedd 2018 10:02:00
Ni ddylai Cymru gael ei rhoi o dan anfantais cystadleuol mewn unrhyw ddulliau o gefnogi amaethyddiaeth yn y dyfodol, mae arweinwyr cynghorau gwledig yng Nghymru yn rhybuddio. Mewn cyfarfod yng ngogledd Cymru o Fforwm Gwledig CLlLC (sydd yn...
20 Medi 2018 14:31:00
Mae Rhaglen Cefnogi Trosglwyddiad Brexit CLlLC yn cael ei lansio yr wythnos hon, gyda’r cyntaf mewn cyfres o ddigwyddiadau yn cael ei gynnal fel rhan o arlwy o gefnogaeth CLlLC i gynghorau yn eu paratoadau ar gyfer ymadawiad y DU o’r Undeb...
  About

Mae Cymdeithas Llywodraeth Leol Cymru (WLGA) yn cynrychioli buddiannau byd llywodraeth leol ac yn hyrwyddo democratiaeth leol yng Nghymru.

  Cysylltwch â ni
   Cymdeithas Llywodraeth Leol Cymru

Tŷ Llywodraeth Leol
Rhodfa Drake
Caerdydd, CF10 4LG

Ffôn : 029 2046 8600
E-bost : enquiry@wlga.gov.uk
Oriau busnes : Llun - Iau 8:30 - 5:00, Gwen - 08:30 - 16:30