Cyfamod y Lluoedd Arfog - Prosiect Cenedlaethol Cymru

Yn 2017 derbyniodd CLlLC gyllid gan Gronfa Cyfamod Lluoedd Arfog y Weinyddiaeth Amddiffyn i ymgymryd â phrosiect cenedlaethol sy'n anelu i:

  • godi ymwybyddiaeth ynglŷn â Chyfamod y Lluoedd Arfog a’r materion sy’n effeithio Cymuned y Lluoedd Arfog yng Nghymru;
  • gwella argaeledd yr wybodaeth am Gyfamod y Lluoedd Arfog ar gyfer Cymuned y Lluoedd Arfog yng Nghymru;
  • gwella’r cyfathrebu yn ymwneud â Chyfamod y Lluoedd Arfog yng Nghymru a wnaed gan/rhwng awdurdodau lleol; a
  • hyrwyddo a rhannu arfer da.

Mae rhan o’r prosiect yn ymwneud â datblygu nifer o adnoddau newydd wedi’u hanelu at awdurdodau lleol.

Pecyn Hyfforddi’r Lluoedd Arfog

Mae Pecyn Hyfforddi’r Lluoedd Arfog, a ddatblygwyd gan Goleg Caerdydd a’r Fro, yn cynnwys pecyn hyfforddi wyneb yn wyneb a phecyn e-ddysgu. Mae’r pecyn hyfforddi yn addas ar gyfer aelodau etholedig awdurdod lleol, staff rheng flaen a rheolwyr adrannol, swyddogion a staff. Mae’r pecyn yn archwilio materion fel:

  • beth yw Cyfamod y Lluoedd Arfog;
  • beth yw Cymuned y Lluoedd Arfog;
  • pa faterion all Cymuned y Lluoedd Arfog eu hwynebu; a
  • beth mae’r awdurdodau lleol yn ei wneud

www.cyfamodcymru.cymru

Pwrpas y microsafle yw darparu gwybodaeth i awdurdodau lleol, Cymuned y Lluoedd Arfog a’r cyhoedd yn ehangach ar y Cyfamod a’r gwaith mae awdurdodau lleol yng Nghymru yn ei wneud mewn perthynas â’r rhaglen hon. Yn ogystal â darparu gwybodaeth ar y Cyfamod a chysylltiadau i'r holl awdurdodau lleol yng Nghymru, mae’r safle yn cynnwys cyfres o ffilmiau byrion yn amlygu peth o’r gwaith a’r prosiectau sy’n digwydd mewn awdurdodau lleol ar draws Cymru.  

Prosiectau Cyfamod Rhanbarthol

Mae prosiect cenedlaethol Cymru yn gweithio ar y cyd â, yn gwneud cysylltiadau â ac yn ategu gwaith sydd eisoes yn cael ei wneud gan awdurdodau lleol yn rhanbarthol; roedd cynigion unigol a wnaed gan y pedwar rhanbarth i Gronfa Cyfamod Lluoedd Arfog y Weinyddiaeth Amddiffyn hefyd yn llwyddiannus.


Cronfa Cyfamod Cymunedol y Lluoedd Arfog: Parthau y Prosiect (Cymru)

Parth 1


Parth 2


Parth 3


Parth 4

  • Gwent: (Torfaen, Caerffili, Blaenau Gwent, Casnewydd a Sir Fynwy)
  • Cyswlltwch â: Lisa Rawlings RAWLIL@CAERPHILLY.GOV.UK

Parth 5

  • Gorllewin De Cymru (Pen-y-bont ar Ogwr, Castell-nedd Port Talbot, Abertawe)
  • Cyswlltwch â: Grace Halfpenny g.c.halfpenny@npt.gov.uk

Mae rhagor o fanylion gan: Rachel Morgan

  About

Mae Cymdeithas Llywodraeth Leol Cymru (WLGA) yn cynrychioli buddiannau byd llywodraeth leol ac yn hyrwyddo democratiaeth leol yng Nghymru.

  Cysylltwch â ni
   Cymdeithas Llywodraeth Leol Cymru

Tŷ Llywodraeth Leol
Rhodfa Drake
Caerdydd, CF10 4LG

Ffôn : 029 2046 8600
E-bost : enquiry@wlga.gov.uk
Oriau busnes : Llun - Iau 8:30 - 5:00, Gwen - 08:30 - 16:30