Posts in Category: COVI9-19

Gwobrau Gymdeithas Rhagoriaeth mewn Gwasanaeth Cyhoeddus – 2021 – Tîm Gwasanaeth Gorau: Gwasanaethau Iechyd yr Amgylchedd, Safonau Masnach a Rheoleiddio (CBS Caerffili) 

Mae Gwobrau’r Gymdeithas Rhagoriaeth mewn Gwasanaeth Cyhoeddus (APSE) i gydnabod y gorau mewn gwasanaethau cyhoeddus ac i rannu'r arfer gorau hwnnw gyda phawb. Yn 2021 derbyniodd APSE 320 o geisiadau aruthrol ar gyfer y Gwobrau, gyda phob un yn dangos ymrwymiad clir i nodau gwelliant parhaus a darparu rhagoriaeth mewn gwasanaethau cyhoeddus. Mae Gwobrau'r Gymdeithas Rhagoriaeth mewn Gwasanaeth Cyhoeddus yn cydnabod y gorau o ran gwasanaethau rheng flaen llywodraeth leol ledled y Deyrnas Unedig, ac yn dilyn rownd drwyadl o feirniadu.

 

Cyrhaeddodd Cyngor Bwrdeistref Sirol Caerffili’r rhestr fer ar gyfer wobr 'Tîm Gwasanaeth Gorau: Gwasanaethau Iechyd yr Amgylchedd, Safonau Masnach a Rheoleiddio' ar gyfer ei Wasanaeth Olrhain Cysylltiadau.

 

Cafodd y tîm Tracio, Olrhain a Diogelu'r cyngor ei greu yn ystod cyfnod eithriadol i ddarparu gwasanaeth olrhain cysylltiadau yn y gymuned, gan gyflogi pobl leol i gefnogi'r gymuned yn ystod y pandemig.

 

Bwriad y gwasanaeth oedd cydweithio i sefydlu gwasanaeth Olrhain Cysylltiadau i helpu adfer cymdeithasol ac economaidd ein cymunedau, mewn modd sy'n ddiogel ac sy'n amddiffyn y GIG a'n timau gofal cymdeithasol. Dechreuodd Caerffili ei wasanaeth gyda thîm o ddeugain o staff wedi'u hadleoli gan ddefnyddio model gweithio o bell.

 

Mae'r tîm bellach yn gweithredu gwasanaeth olrhain cysylltiadau soffistigedig sy'n perfformio'n dda, sy'n hanfodol i'n hymateb i COVID-19 ac yn cynnig cefnogaeth a chyngor cynhwysfawr i'n dinasyddion i'w cynorthwyo i gydymffurfio â gofynion hunan ynysu i helpu cadw ein cymunedau'n ddiogel.

Dydd Mercher, 22 Mehefin 2022 13:52:00 Categorïau: Caerffili COVI9-19 Gwobrau Gwobrau (Gweithlu)

Gwobrau Gymdeithas Rhagoriaeth mewn Gwasanaeth Cyhoeddus – 2021 – 'Tîm Gwasanaeth Gorau: Gwasanaeth Arlwyo' – (CBS Caerffili) 

Mae Gwobrau’r Gymdeithas Rhagoriaeth mewn Gwasanaeth Cyhoeddus (APSE) i gydnabod y gorau mewn gwasanaethau cyhoeddus ac i rannu'r arfer gorau hwnnw gyda phawb. Yn 2021 derbyniodd APSE 320 o geisiadau aruthrol ar gyfer y Gwobrau, gyda phob un yn dangos ymrwymiad clir i nodau gwelliant parhaus a darparu rhagoriaeth mewn gwasanaethau cyhoeddus. Mae Gwobrau'r Gymdeithas Rhagoriaeth mewn Gwasanaeth Cyhoeddus yn cydnabod y gorau o ran gwasanaethau rheng flaen llywodraeth leol ledled y Deyrnas Unedig, ac yn dilyn rownd drwyadl o feirniadu.

Enillodd Cyngor Bwrdeistref Sirol Caerffili wobr am y Tîm Gwasanaeth Gorau: Gwasanaeth Arlwyo, am yr ymateb i ddosbarthu prydau ysgol am ddim yn ystod y pandemig.

Ym mis Mawrth 2020, cyhoeddodd Llywodraeth Cymru y byddai ysgolion yn cau ar unwaith oherwydd y pandemig COVID-19. Roedd Cyngor Bwrdeistref Sirol Caerffili yn wynebu'r her o sut i ddarparu gwasanaeth prydau ysgol am ddim i dros 6,243 o ddisgyblion.

Dangosodd tîm arlwyo'r awdurdod lleol sgiliau entrepreneuriaeth, creadigrwydd ac arweinyddiaeth gadarn gan weithredu gwasanaeth darparu prydau ysgol am ddim i'r cartref sy'n cynnwys gweithio mewn partneriaeth â chyflenwyr lleol a dros 20 maes gwasanaeth yn yr awdurdod lleol.

Dydd Mercher, 22 Mehefin 2022 13:34:00 Categorïau: Caerffili COVI9-19 Gwobrau Gwobrau (Gweithlu)

Gwobrau Gymdeithas Rhagoriaeth mewn Gwasanaeth Cyhoeddus – 2021 – Tîm Gwasanaeth Gorau: Chwaraeon, Hamdden a Gwasanaethau Diwylliannol (CBS Caerffili) 

Mae Gwobrau’r Gymdeithas Rhagoriaeth mewn Gwasanaeth Cyhoeddus (APSE) i gydnabod y gorau mewn gwasanaethau cyhoeddus ac i rannu'r arfer gorau hwnnw gyda phawb. Yn 2021 derbyniodd APSE 320 o geisiadau aruthrol ar gyfer y Gwobrau, gyda phob un yn dangos ymrwymiad clir i nodau gwelliant parhaus a darparu rhagoriaeth mewn gwasanaethau cyhoeddus. Mae Gwobrau'r Gymdeithas Rhagoriaeth mewn Gwasanaeth Cyhoeddus yn cydnabod y gorau o ran gwasanaethau rheng flaen llywodraeth leol ledled y Deyrnas Unedig, ac yn dilyn rownd drwyadl o feirniadu.

Cyrhaeddodd Cyngor Bwrdeistref Sirol Caerffili’r rhestr fer am y Wobr Tîm Gwasanaeth Gorau: Chwaraeon, Hamdden a Gwasanaethau Diwylliannol, am agwedd anhygoel y tîm tuag at adleoli yn ystod y pandemig.

Yn ystod cyfnod o her eithriadol, mae'r Tîm Gwasanaethau Chwaraeon a Hamdden yng Nghaerffili nid yn unig wedi parhau i ddarparu amrywiaeth eang a gwahanol o gyfleoedd chwaraeon a hamdden egnïol, ond hefyd wedi defnyddio ei adnoddau i gefnogi ymateb y Cyngor i COVID-19.

Dydd Mercher, 22 Mehefin 2022 13:06:00 Categorïau: Caerffili COVI9-19 Gwobrau Gwobrau (Gweithlu)

Cefnogi Pobl Ddigartref yn ystod y pandemig (Cymru Gyfan) 

Roedd cronfa Llywodraeth Cymru o £10 miliwn yn galluogi awdurdodau lleol i ddod i gyswllt â’r holl rai oedd yn cysgu ar y stryd a sicrhau bod ganddynt lety diogel ac addas i fodloni cyfyngiadau’r pandemig. O fewn pythefnos gyntaf y cyfnod clo, roedd awdurdodau lleol wedi rhoi llety i dros 500 o aelwydydd a oedd un ai wedi bod yn cysgu ar y stryd neu mewn llety oedd yn anaddas i gadw pellter cymdeithasol. Mae’r ffigwr hwn wedi cynyddu i dros 1000 o aelwydydd ers dechrau’r pandemig.

 

Roedd yn rhaid i awdurdodau lleol aildrefnu timau ac ailbennu staff i sicrhau bod gwasanaethau’n cael eu darparu’n effeithiol a hefyd i ddod o hyd i ffyrdd newydd o weithio gyda phartneriaid. Roedd un gell gydlynu ganolog ym mhob cyngor yn dod â phartneriaid fel rhai o’r maes iechyd, landlordiaid cymdeithasol cofrestredig, yr heddlu a’r gwasanaeth prawf, sefydliadau’r trydydd sector, ac ati, ynghyd i gynllunio a darparu gwasanaethau ar y cyd.

 

Mae’r profiadau hyn wedi helpu i siapio a chynllunio darpariaeth gwasanaethau cymorth digartrefedd a thai heddiw ac yn y dyfodol.

Parhau i gefnogi pobl ddigartref yn ystod pandemig y coronafeirws: canllawiau i awdurdodau lleol | LLYW.CYMRU

Dydd Mercher, 25 Awst 2021 16:41:00 Categorïau: COVI9-19 COVID-19 (Digartrefedd - Partneriaeth) Cymru Gyfan Tai a Digartref

Ffrind Mewn Angen Gorllewin Cymru (CS Gâr, CS Ceredigion, CS Benfro) 

Yn ystod y pandemig cyflwynwyd menter Ffrind mewn Angen Gorllewin Cymru gyda chymorth arian gan Age Cymru. Nod y prosiect oedd gwella'r gallu i wirfoddolwyr ffurfiol ac anffurfiol gysylltu’n ddigidol gyda phobl yng Ngorllewin Cymru, a gostwng arwahanrwydd cymdeithasol ac unigrwydd. Sefydlwyd grŵp prosiect rhanbarthol i sefydliadau gydweithio, roedd aelodaeth y grŵp yn cynnwys Age Cymru Dyfed , Cyngor Sir Benfro , Cyngor Sir Ceredigion , Cyngor Sir Gâr, Cymdeithas Gwasanaethau Gwirfoddol Sir Benfro, Cymdeithas Gwasanaethau Gwirfoddol Sir Gâr  a Chymdeithas Mudiadau Gwirfoddol Sir Ceredigion Cafodd cyfanswm o 11 grwpiau gwirfoddol a chymunedol gyllid gan y grant gan olygu bod dros 1,100 o unigolion yn elwa o’r fenter gyda 155 o wirfoddolwyr yn treulio 1,975 o oriau yn gweithio yn eu cymunedau.

Tystysgrif Gymeradwyaeth ar gyfer y Wobr Caffael Ysgol – CLlLC a Gwasanaeth Caffael Cenedlaethol (GCC) yn caffael gorchuddion wyneb i blant ysgolion Cymru 

Mae Cymdeithas Llywodraeth Leol Cymru (CLlLC) a’r Gwasanaeth Caffael Cenedlaethol (GCC) wedi cael tystysgrif gymeradwyaeth ar gyfer y Wobr Caffael Ysgolion  gan Wobrau Busnes Addysg am gydweithio wrth ddarparu gorchuddion wyneb i blant ysgol. Yn ystod y pandemig Covid-19, bu i’r GCC weithio gyda Lyreco, CLlLC a RotoMedical, adran offer cyfarpar diogelu a meddygol Rototherm Group, ym Margam, De Cymru, i gynhyrchu a dosbarthu gorchudd wyneb 3 haen i blant ysgol Cymru trwy'r fframwaith GCC ar gyfer cyfarpar diogelu personol. Bu i CLlLC amlygu’r angen i ddarparu gorchuddion wyneb, i ysgolion Cymru i GCC yn dilyn cyhoeddi grant Llywodraeth Cymru i awdurdodau lleol Cymru i brynu’r eitemau hyn. Roedd hefyd ddyhead i gynhyrchu gorchuddion wyneb yng Nghymru. Yna, bu i GCC a CLlLC weithio gyda RotoMedical i ddeall sut y gallant helpu i wasanaethu sector cyhoeddus Cymru yn y frwydr yn erbyn y feirws. Prynodd Lyreco y cynnych gan RotoMedical ar ran GCC a’u dosbarthu i gwsmeriaid gan ddefnyddio eu rhwydwaith logisteg cenedlaethol eu hunain. Mae Lyreco yn gwasanaethu eu cwsmeriaid de Cymru o’u canolfan ddosbarthu ym Mhen-y-Bont ar Ogwr a chwsmeriaid Gogledd Cymru o ychydig dros y ffin yn Warrington.

Galw Gofal (CBS Conwy) 

Sefydlwyd Galw Gofal gan Dîm Lles Cymunedol Gofal Cymdeithasol ac Addysg  Cyngor Bwrdeistref Sirol Conwy  i ddarparu cefnogaeth yn y cartref trwy systemau ffôn i wella ansawdd bywyd ac annibyniaeth pobl, Yn ystod y pandemig ymestynnwyd gwasanaethau Galw Gofal i gynnwys y rhai yn y gymuned a oedd yn gwarchod eu hunain. Er mwyn ymateb yn gyflym i’r angen cynyddol am gefnogaeth yn ystod y pandemig, bu i Galw Gofal ddatblygu partneriaethau oedd yn bodoli gan gynnwys Bwrdd Iechyd Prifysgol Betsi Cadwaladr, Age Connects Canol Gogledd Cymru a Chymorth Cymunedol a Gwirfoddol Conwy . O Fawrth i Awst 2020, gwnaed 10,789 o alwadau ffôn dyddiol gyda staff yn ymateb i amrywiaeth o ymholiadau o gymorth gyda dosbarthu bwyd a phresgripsiynau i gyfeirio at Dimau Lles Cymunedol i gael cefnogaeth i fynd ar-lein.

Dydd Gwener, 20 Awst 2021 12:13:00 Categorïau: Cefnogi Pobl Agored i Niwed Conwy COVI9-19 COVID-19 (Gwarchod - Partneriaeth)

Ffrind mewn Angen (CBS Pen-Y-Bont ar Ogwr) 

Yn ystod pandemig Covid-19 fe weithiodd Cyngor Bwrdeistref Sirol Pen-y-Bont ar Ogwr ochr yn ochr â Chymdeithas Gwirfoddol Sefydliadau Pen-y-Bont ar Ogwr (BAVO) i ymestyn y cynllun Cymdeithion Cymunedol gan gydnabod yr angen i addasu dulliau mewn cysylltiad â’r pandemig a chyfyngiadau. Roedd Cymdeithas Sefydliadau Gwirfoddol Pen-y-Bont ar Ogwr a’r Cyngor eisiau darparu cefnogaeth i unigolion mewn ffyrdd gwahanol, yn cynnwys cyfeillio dros y ffôn i ddarparu cefnogaeth o bell, gan dargedu oedolion hŷn sydd wedi’u hynysu dros gyfnod y gaeaf. Yn ystod 2020, derbyniwyd 229 o atgyfeiriadau ar gyfer cefnogaeth cyfeillio. Cefnogwyd 145 o unigolion gyda chyfleoedd cyfeillio, ac roedd 102 o wirfoddolwyr yn rhan o brosiect cyfeillio dros y ffôn a 50 o unigolion yn rhan brosiect treialu cyfaill gohebol. Parhaodd y cynllun cyfaill gohebol rhwng cenedlaethau i dyfu er gwaethaf yr amhariadau gyda’r ysgolion yn cau ac mae’r Cymdeithas Sefydliadau Gwirfoddol Pen-y-Bont ar Ogwr wedi creu cysylltiadau gydag ysgol gynradd lleol yn ystod y cyfnod clo i ysgrifennu llythyrau/darluniadau y datblygodd Cymdeithas Sefydliadau Gwirfoddol Pen-y-Bont ar Ogwr y rhain mewn i gardiau post i’w hanfon at fuddiolwyr a gwirfoddolwyr Cymdeithion Cymunedol.

Cysylltu Cymunedau (CBS Pen-y-Bont ar Ogwr) 

Mae rhaglen Cysylltu Cymunedau Cyngor Bwrdeistref Sirol Pen-y-Bont ar Ogwr wedi cynyddu’r gefnogaeth y mae’n ei ddarparu i bobl a chymunedau yn ystod pandemig Covid-19. Mae Cymdeithas Sefydliadau Gwirfoddol Pen-y-Bont ar Ogwr (BAVO) gan weithio gyda’r Cyfeirwyr Cymunedol yn cefnogi amrywiaeth o anghenion cymunedol. Mae’r prif lefelau o gefnogaeth yn cynnwys: cyflenwi presgripsiwn, gwasanaethau siopa, cefnogaeth banc bwyd yn cynnwys talebau banc bwyd a danfon parseli bwyd i’r rhai sydd eu hangen fwyaf, ynghyd ag addysgu pobl am ddarpariaeth bwyd fforddiadwy eraill megis Pantris Bwyd, gwiriadau lles a chyfeillio dros y ffôn. Mae rhaglen Cymdeithas Sefydliadau Gwirfoddol Pen-y-Bont ar Ogwr a Chysylltu Cymunedau yn gweithio gyda sefydliadau allanol a gwasanaethau cynnal er mwyn sicrhau bod y bobl mwyaf diamddiffyn yn cael mynediad at y gefnogaeth maent eu hangen. Mae yna restr partneriaid o 77 sefydliad sydd wedi cefnogi Cysylltu Cymunedau, ac mewn cyfres o wiriadau effaith ynglŷn â chefnogaeth Cysylltu Cymunedau i 214 o unigolion, roedd 99% yn hapus gyda’r gefnogaeth, yr atgyfeirio a’r wybodaeth a chyngor y mae’r cyfeirwyr wedi’i ddarparu.

Ysbryd Cymunedol Gwynedd (Cyngor Gwynedd) 

O fewn pythefnos cyntaf  y cyfnod clo ym mis Mawrth 2020, roedd dros 600 o bobl wedi cofrestru i wirfoddoli gyda Banc Gwirfoddolwyr Mantell Gwynedd   Roedd Cyngor Gwynedd a chyrff trydydd sector yn cynnal cyfarfodydd ar-lein ffurfiol ac yn gweithio gyda’i gilydd yn fwy cyfunol i wasanaethu anghenion cymunedau drwy nodi bylchau, rhannu adnoddau a chamu i fyny i’r galw. Er bod natur gwirfoddoli wedi newid ers y cyfnod clo cyntaf gyda llawer o bobl yn dychwelyd i’r gwaith neu i addysg, mae’r ysbryd gwirfoddoli wedi parhau. Roedd llawer o’r bobl oedd wedi cofrestru’n wreiddiol i wirfoddoli gyda Mantell Gwynedd ar ddechrau’r cyfnod clo cyntaf wedi estyn allan i wirfoddoli eto yn ystod y Cyfnod Atal Byr yn yr Hydref. 

 

Mae manylion pellach wedi’i gasglu mewn Astudiaeth Leol Newydd (Ion 2021): Symud y Cydbwysedd: Addasu'n lleol, arloesi a chydwithio yn ystod y pandemig a thu hwnt

Dydd Mercher, 3 Mawrth 2021 14:29:00 Categorïau: Cefnogi Pobl Agored i Niwed COVI9-19 COVID-19 (Gwirfoddoli - Partneriaeth)

  About

Mae Cymdeithas Llywodraeth Leol Cymru (WLGA) yn cynrychioli buddiannau byd llywodraeth leol ac yn hyrwyddo democratiaeth leol yng Nghymru.

  Cysylltwch â ni

Ffôn : 07553 655939
E-bost : enquiries@wlga.gov.uk
Oriau busnes : Llun - Iau 8:30 - 5:00, Gwen - 08:30 - 16:30