Mae CLlLC yn croesawu cyhoeddiad y Gweinidog yn cadarnhau y bydd canlyniadau arholiadau eleni yn cael eu dyfarnu ar sail asesiadau athrawon. Diolchwn i'r Gweinidog am wrando ar ein galwadau ni a rhai eraill ac, yn anad dim, am lais y dysgwyr. Dyma'r ymagwedd decaf, mae'n rhoi barn broffesiynol athrawon ac yn sicrhau nad yw myfyrwyr Cymru dan anfantais o'u cymharu â myfyrwyr mewn rhannau eraill o'r Deyrnas Unedig. Mae'n bwysig felly bod Llywodraeth y Deyrnas Unedig yn dilyn y dull hwn o ystyried bod nifer o ysgolion a myfyrwyr Cymru yn astudio pynciau drwy system arholiadau Lloegr.
Bydd CLlLC yn bwydo i mewn i sesiwn Pwyllgor y Senedd yfory ac mae'n bwysig bod y cyngor a roddir i'r Gweinidog yn ystod y cyfnod cyn cyhoeddi'r canlyniadau yn cael ei graffu, a bod Llywodraeth Cymru yn adolygu Cymwysterau Cymru ar fyrder.