Arfer Da gan y Cyngor

Adolygiad Cynllunio Datgarboneiddio Llywodraeth Leol Cymru – Defnydd tir a dulliau’n seiliedig ar leoedd (CBS Torfaen)

Wed, 19 Jan 2022 15:21:00 GMT

Yn Adolygiad Cynllunio Datgarboneiddio Llywodraeth Leol Cymru ar sefyllfa bresennol y Cynllunio Datgarboneiddio yn Llywodraeth Leol Cymru, dadansoddwyd yr ymyriadau a restrir yng nghynlluniau Datgarboneiddio cynghorau yn ôl pedwar maes blaenoriaeth, yn cynnwys Adeiladau, Symudedd a Chludiant, Caffael, a Defnydd Tir. Mae’r meysydd hyn yn adlewyrchu’r meysydd blaenoriaeth a nodwyd gan Lywodraeth Cymru yn eu hadroddiad Carbon Sero Net 2030 ar gyfer y sector cyhoeddus.

Mae Cyngor Bwrdeistref Sirol Torfaen wedi ymgynghori gyda Chyfoeth Naturiol Cymru i nodi cyfleoedd ar gyfer dulliau gwell i reoli tir, yn cynnwys mapio gyda System Wybodaeth Ddaearyddol i nodi cyfleoedd i ddal a storio carbon. Mae hyn wedi llywio Strategaeth Isadeiledd Gwyrdd Bwrdd Gwasanaethau Cyhoeddus Torfaen ar gyfer yr holl dir cyhoeddus yn Nhorfaen.

Adolygiad Cynllunio Datgarboneiddio Llywodraeth Leol Cymru - Adeiladau (CBS Torfaen)

Wed, 19 Jan 2022 15:14:00 GMT

Mae Cyngor Bwrdeistref Sirol Torfaen yn gweithio gyda dwy o brif gymdeithasau tai'r ardal, Cartrefi Melin a Bron Afon, i ddatgarboneiddio eu stoc o dai.

Ysgolion Hyb (CBS Torfaen)

Thu, 16 Jul 2020 16:37:00 GMT

Ers dechrau pandemig COVID-19 a’r mesurau cadw pellter cymdeithasol, mae Gwasanaeth Ieuenctid Torfaen wedi bod yn rhan o dîm sy’n cynnal hyb ysgolion uwchradd ar gyfer plant gweithwyr allweddol a phobl ifanc diamddiffyn. Prif rôl y Gwasanaeth Ieuenctid oedd hwyluso a darparu gweithgareddau i’r bobl ifanc. Yn ogystal â hyn, gan weithio’n agos â Gwasanaethau Gofal Cymdeithasol a Chynhwysiant, fe greodd y Gwasanaeth Ieuenctid hyb bychan yn un o’i ganolfannau ieuenctid ar gyfer ychydig o bobl ifanc hynod o ddiamddiffyn a oedd angen mwy o gefnogaeth. Roedd yr hyb yn cynnig cyfleoedd i’r bobl ifanc goginio, garddio a chymryd rhan mewn gweithgareddau meithrin tîm ac ati. Mae’r bobl ifanc wedi ymgysylltu’n annibynnol â gweithgareddau'r hyb er bod rhai ohonyn nhw’n cael cymorth 1 i 1 i gael mynediad at ddysgu ffurfiol. Mae @torfaenyouth wedi bod yn lle diogel y gall pobl ifanc sy’n bryderus ynghylch eu rhieni a’u perthnasau ei fwynhau a'i werthfawrogi.

Ap Cefnogaeth Gymunedol Torfaen (CBS Torfaen)

Wed, 17 Jun 2020 08:28:00 GMT

Mae Cyngor Torfaen wedi lansio Ap Cefnogaeth Gymunedol Torfaen ar 27 Ebrill, 2020 i helpu gyda chofrestriad cyflym a rhwydd gwirfoddolwyr sydd eisiau cynnig eu hamser, a helpu preswylwyr mwyaf diamddiffyn Torfaen i gofrestru ar gyfer cefnogaeth, yn ogystal â’u galluogi i gael y ddarpariaeth fwyaf addas iddynt. Bydd preswylwyr sy’n cofrestru i ddefnyddio’r ap yn gallu gwneud ceisiadau am: gasgliad meddyginiaeth; siopa bwyd, ac eitemau hanfodol eraill, y gwasanaeth cyfeillio, ac ati. Datblygwyd yr ap gan Syncsort, sef yn o bartneriaid technoleg y Cyngor. Bydd yr ap o gymorth i'r Hwb Cymorth Cymunedol a sefydlwyd yn ddiweddar, i weithredu’n fwy effeithiol, a bydd o gymorth arbennig pan mae anghenion preswylwyr yn cynyddu, ac wrth i sgiliau ac argaeledd gwirfoddolwyr newid dros amser. Mae’r Cyngor, gyda chymorth partneriaid, gan gynnwys Bron Afon ac Ymddiriedolaeth Hamdden Torfaen , yn ogystal â grwpiau cymunedol a gwirfoddolwyr sy’n cydlynu ac yn darparu cefnogaeth uniongyrchol. Mae fersiwn ar-lein o’r ap hefyd, sydd ar gael ar dudalen Covid-19 gwefan y Cyngor i’r sawl nad oes ganddynt fynediad i ddyfais symudol. Os nad oes gan breswylwyr fynediad i’r we, mae modd iddynt ffonio 01495 762200 am gymorth. Mae gan Gyngor Torfaen fwriad i ddefnyddio'r ap yn y tymor hir i gefnogi gwasanaethau gyda chydlynu Gwirfoddolwyr, ar ôl Covid19.