Cyrhaeddodd Cyngor Bwrdeistref Sirol Caerffili’r rhestr fer ar gyfer wobr 'Tîm Gwasanaeth Gorau: Gwasanaethau Iechyd yr Amgylchedd, Safonau Masnach a Rheoleiddio' ar gyfer ei Wasanaeth Olrhain Cysylltiadau.

Cafodd y tîm Tracio, Olrhain a Diogelu'r cyngor ei greu yn ystod cyfnod eithriadol i ddarparu gwasanaeth olrhain cysylltiadau yn y gymuned, gan gyflogi pobl leol i gefnogi'r gymuned yn ystod y pandemig.

Bwriad y gwasanaeth oedd cydweithio i sefydlu gwasanaeth Olrhain Cysylltiadau i helpu adfer cymdeithasol ac economaidd ein cymunedau, mewn modd sy'n ddiogel ac sy'n amddiffyn y GIG a'n timau gofal cymdeithasol. Dechreuodd Caerffili ei wasanaeth gyda thîm o ddeugain o staff wedi'u hadleoli gan ddefnyddio model gweithio o bell.

Mae'r tîm bellach yn gweithredu gwasanaeth olrhain cysylltiadau soffistigedig sy'n perfformio'n dda, sy'n hanfodol i'n hymateb i COVID-19 ac yn cynnig cefnogaeth a chyngor cynhwysfawr i'n dinasyddion i'w cynorthwyo i gydymffurfio â gofynion hunan ynysu i helpu cadw ein cymunedau'n ddiogel.

Enillodd Cyngor Bwrdeistref Sirol Caerffili wobr am y Tîm Gwasanaeth Gorau: Gwasanaeth Arlwyo, am yr ymateb i ddosbarthu prydau ysgol am ddim yn ystod y pandemig.

Ym mis Mawrth 2020, cyhoeddodd Llywodraeth Cymru y byddai ysgolion yn cau ar unwaith oherwydd y pandemig COVID-19. Roedd Cyngor Bwrdeistref Sirol Caerffili yn wynebu'r her o sut i ddarparu gwasanaeth prydau ysgol am ddim i dros 6,243 o ddisgyblion.

Dangosodd tîm arlwyo'r awdurdod lleol sgiliau entrepreneuriaeth, creadigrwydd ac arweinyddiaeth gadarn gan weithredu gwasanaeth darparu prydau ysgol am ddim i'r cartref sy'n cynnwys gweithio mewn partneriaeth â chyflenwyr lleol a dros 20 maes gwasanaeth yn yr awdurdod lleol.

Cyrhaeddodd Cyngor Bwrdeistref Sirol Caerffili’r rhestr fer am y Wobr Tîm Gwasanaeth Gorau: Chwaraeon, Hamdden a Gwasanaethau Diwylliannol, am agwedd anhygoel y tîm tuag at adleoli yn ystod y pandemig.

Yn ystod cyfnod o her eithriadol, mae'r Tîm Gwasanaethau Chwaraeon a Hamdden yng Nghaerffili nid yn unig wedi parhau i ddarparu amrywiaeth eang a gwahanol o gyfleoedd chwaraeon a hamdden egnïol, ond hefyd wedi defnyddio ei adnoddau i gefnogi ymateb y Cyngor i COVID-19.

Ar y Rhestr Fer - Gwobrau LGC 2021

Cafodd y fenter, o’r enw ‘FiNi’, ei lansio heddiw (dydd Mercher 7 Gorffennaf) gan Jane Hutt, y Gweinidog Cyfiawnder Cymdeithasol.

Syniad Christina Harrhy (Prif Weithredwr CBSC) a Pam Kelly (Prif Gwnstabl Heddlu Gwent) yw FiNi sy'n rhannu dyhead i ddatblygu rhaglen arweinyddiaeth uchelgeisiol i sicrhau bod gan uwch reolwyr y sgiliau a'r cymwyseddau uchaf.

Bydd wyth o weithwyr o'r ddau sefydliad yn ffurfio'r garfan gyntaf erioed i gymryd rhan yn y rhaglen - pedwar o Gyngor Caerffili a phedwar o Heddlu Gwent. Bydd y rhaglen arweinyddiaeth 12 mis yn cael ei darparu gan Brifysgol De Cymru a bydd y garfan gychwynnol yn allweddol wrth helpu llunio cyfeiriad a chynnwys y cwrs ar gyfer cyfranogwyr yn y dyfodol.

Mae Cyngor Bwrdeistref Sirol Pen-y-bont ar Ogwr wrthi’n datblygu prosiect Rhwydwaith Gwres Tref i leihau defnydd ynni drwy wresogi adeiladau. Mae’r Cyngor wedi sefydlu is-gwmni a fydd yn eiddo i’r awdurdod a bydd yn galluogi iddo gael mynediad at grant o £1 miliwn gan Lywodraeth y DU i ffurfio rhan o’r gyllideb gyfalaf £3.4 miliwn sydd ei hangen ar gyfer cam cyntaf y rhwydwaith.

Disgwylir i Gyfleuster Iechyd a Lles Cymunedol Wrecsam agor yn 2022. Mae hwn yn floc o swyddfeydd a adeiladwyd yn y 1970au sy’n defnyddio dull ‘ffabrig yn gyntaf’ o ran effeithlonrwydd thermol a gosod paneli ffotofoltäig ar y to.

Mae Cyngor Sir Caerfyrddin wedi ffurfio partneriaeth gydag Ameresco, cwmni gwasanaeth ynni, i nodi ystod o fesurau i leihau allyriadau carbon ar draws ystâd yr awdurdod. Rhagwelir y bydd Cam 1 o’r prosiect yn arbed 675 tunnell o CO2e bob blwyddyn.

Cafodd Cyngor Bro Morgannwg gyllid Partneriaethau Natur Lleol Cymru i ddatblygu Wal Fyw Werdd ar yr adeilad BSC2 yn y Bari. Bydd y prosiect yn gwella bioamrywiaeth ac yn cynnig mwy o fynediad at Isadeiledd Gwyrdd.  Disgwylir y bydd y prosiect yn echdynnu tua 41 kilo o CO2e bob blwyddyn. 

Mae Cyngor Bwrdeistref Sirol Torfaen wedi ymgynghori gyda Chyfoeth Naturiol Cymru i nodi cyfleoedd ar gyfer dulliau gwell i reoli tir, yn cynnwys mapio gyda System Wybodaeth Ddaearyddol i nodi cyfleoedd i ddal a storio carbon. Mae hyn wedi llywio Strategaeth Isadeiledd Gwyrdd Bwrdd Gwasanaethau Cyhoeddus Torfaen ar gyfer yr holl dir cyhoeddus yn Nhorfaen.

Mae Cyngor Bwrdeistref Sirol Torfaen yn gweithio gyda dwy o brif gymdeithasau tai'r ardal, Cartrefi Melin a Bron Afon, i ddatgarboneiddio eu stoc o dai.

Mae gan Gyngor Bwrdeistref Sirol Rhondda Cynon Taf gynlluniau i ddefnyddio gwres o Ffynnon Boeth Ffynnon Taf i wresogi ystafelloedd yn Ysgol Gynradd Ffynnon Taf am gost o tua £3 miliwn. Mae’r cynllun yn rhan o brosiect ehangach i ddefnyddio’r unig ffynnon boeth naturiol yng Nghymru fel sylfaen i wresogi adeiladau yn yr ardal leol.

Mae Cyngor Sir Powys yn defnyddio dull cynllunio lle i ganolbwyntio ar garbon, addasu i newid yn yr hinsawdd a bioamrywiaeth. Bydd y dull newydd hwn yn y dref yn cael ei efelychu mewn 9 tref arall ledled Powys. 

Mae Cyngor Sir Benfro yn cynnal ymchwil a chynllun peilot gwerth £4.5 miliwn ar botensial Cerbydau trydan celloedd tanwydd hydrogen. Mae’r prosiect yn cael ei gynnal fel rhan o brosiect ehangach Aberdaugleddau dros ddwy flynedd.

Mae Cyngor Bwrdeistref Sirol Castell-nedd Port Talbot yn arwain ar y prosiect Cartrefi yn Orsafoedd Pŵer, gwerth £505 miliwn, ar ran Bargen Ddinesig Bae Abertawe. Disgwylir y bydd y prosiect pum mlynedd yn diogelu o leiaf 10,300 eiddo ar gyfer y dyfodol drwy osod dyluniad a thechnoleg effeithlon o ran ynni mewn adeiladau newydd ac ôl-osodiadau.

Mae Cyngor Gwynedd wedi comisiynu astudiaeth ddichonoldeb ar gyfer system wresogi carbon isel a fforddiadwy yn Nhanygrisiau, yn cynnwys y dewis i ôl-osod rhwydwaith gwresogi ardal. Os bydd yn llwyddiannus, mae’n bosib y bydd y cynllun yn cael ei efelychu mewn cymunedau chwareli lleol eraill.

Mae Cyngor Sir y Fflint wedi comisiynu pedair fferm solar ar raddfa fawr mewn ymgais i leihau allyriadau’r awdurdod. Mae dau o’r safleoedd yn cynrychioli buddsoddiad gwerth £3.1 miliwn mewn 9,000 o baneli solar, a rhagfynegir y bydd hyn yn arbed 800 tunnell o CO2e bob blwyddyn.

Mae Cyngor Sir Ddinbych yn defnyddio ymagwedd microfusnes ar gyfer datgarboneiddio fel rhan o’r achos busnes am grantiau gofal cymdeithasol mewn cynlluniau cymdogaeth.

Mae Cyngor Bwrdeistref Sirol Conwy yn gweithio gyda CLES - y sefydliad cenedlaethol ar gyfer economïau lleol, i lywio ei linell sylfaen ar gyfer cwmpas 3 fel rhan o brosiect Cadwyn Gyflenwi Sero Net y Cyngor.

Mae Cyngor Bwrdeistref Sirol Conwy yn datblygu strategaeth i ad-drefnu’r gofod swyddfa presennol a staff yn teithio i’r gwaith drwy’r prosiect “Dyfodol Gweithio mewn Swyddfeydd” – prosiect ar y cyd rhwng adrannau Adnoddau Dynol a Rheoli Asedau y Cyngor a’r gweithlu.

Mae Cyngor Caerdydd yn bwriadu newid defnydd safle tirlenwi Ffordd Lamby i greu Fferm Solar 9MW, ar raddfa fawr. Rhagwelir y bydd y prosiect yn cynhyrchu digon o ynni i bweru 2,900 o gartrefi bob blwyddyn a bydd yn costio £16.3 miliwn dros 35 mlynedd.

Mae Cyngor Caerdydd yn datblygu rhwydwaith o bibellau gwres newydd o losgydd Bae Caerdydd i leihau’r defnydd ynni sy’n gysylltiedig â gwresogi adeiladau cyhoeddus amhreswyl yng Nghaerdydd. Disgwylir y bydd y prosiect yn costio cyfanswm o £26.5 miliwn a bydd wedi’i gwblhau erbyn 2022, gydag arbedion carbon tybiedig o 5600 CO2e bob blwyddyn.

Mae Cyngor Bwrdeistref Sirol Caerffili wedi gwneud cais i ddatblygu fferm solar 20MW ar dir a oedd ar un adeg yn eiddo preifat ond sydd bellach yn eiddo i’r cyngor. Rhagwelir y bydd y prosiect yn costio £12 miliwn dros ei oes dybiedig o 35 mlynedd. Disgwylir y bydd y fferm yn cynhyrchu digon o ynni i bweru tua 6,000 o gartrefi bob blwyddyn.

Mae Cyngor Caerdydd yn bwriadu cyflwyno cynllun plannu coed dros y ddinas, prosiect coedwig drefol ‘Coed Caerdydd’ gwerth £1 miliwn. Bwriad y cynllun yw plannu coed ar fwy nag 800 hectar o dir dros y degawd nesaf gan ganolbwyntio ar garbon, llifogydd, rheoli dŵr a gwytnwch.

Mae Cyngor Bwrdeistref Sirol Blaenau Gwent wedi sefydlu depo ar gyfer loriau a cherbydau, sydd wedi bod yn ffactor yn yr achos busnes am bwyntiau gwefru Cerbydau Trydan, yn ogystal â datblygu sgiliau a hyfforddiant ar gyfer cynnal a chadw’r safle.

Mae Cyngor Sir Ynys Môn wedi prynu cerbydau ail-law i gadw hyblygrwydd o ran y fflyd wrth ganiatáu amser i archwilio dewisiadau / penderfyniadau ynghylch cerbydau Trydan neu Hydrogen.

Bwriad yr ymchwil yw llywio dull llywodraeth leol o ran symud tuag at y targed Carbon Sero Net 2030 ar gyfer y sector cyhoeddus a’r targed Carbon Sero Net 2050 i Gymru. Mae’r ymchwil wedi cael ei lunio i lywio gwaith ymarferwyr datgarboneiddio, uwch reolwyr, aelodau arweiniol a staff allweddol o fewn awdurdodau lleol sydd angen bod yn rhan o’r rhaglen ddatgarboneiddio. Bydd y gwaith hefyd yn llywio gwaith cenedlaethol Panel Strategaeth Datgarboneiddio Llywodraeth Leol.

Mae’r gwaith ymchwil yn canolbwyntio ar yr agweddau canlynol o gynnydd yn y gwaith Cynllunio Datgarboneiddio, cynhyrchu, cyflawni, cwmpas ac uchelgais, trefniadau llywodraethu, natur yr ymyriadau yn y cynlluniau, mesur llinell sylfaen allyriadau nwyon tŷ gwydr ac anghenion cymorth. Roedd yr ymchwil yn defnyddio tystiolaeth ddogfennol a safbwyntiau ymarferwyr awdurdod lleol arbenigol i lywio’r canfyddiadau.

Roedd pob un o’r 22 awdurdod yn rhan o’r ymchwil hwn gyda dros 50 o unigolion yn rhan o drafodaethau unigol, trafodaethau grŵp a gweithdai rhwng mis Gorffennaf a mis Medi 2021.

Roedd yn rhaid i awdurdodau lleol aildrefnu timau ac ailbennu staff i sicrhau bod gwasanaethau’n cael eu darparu’n effeithiol a hefyd i ddod o hyd i ffyrdd newydd o weithio gyda phartneriaid. Roedd un gell gydlynu ganolog ym mhob cyngor yn dod â phartneriaid fel rhai o’r maes iechyd, landlordiaid cymdeithasol cofrestredig, yr heddlu a’r gwasanaeth prawf, sefydliadau’r trydydd sector, ac ati, ynghyd i gynllunio a darparu gwasanaethau ar y cyd.

Mae’r profiadau hyn wedi helpu i siapio a chynllunio darpariaeth gwasanaethau cymorth digartrefedd a thai heddiw ac yn y dyfodol.

Parhau i gefnogi pobl ddigartref yn ystod pandemig y coronafeirws: canllawiau i awdurdodau lleol | LLYW.CYMRU

Mae manylion pellach wedi’i gasglu mewn Astudiaeth Leol Newydd (Ion 2021): Symud y Cydbwysedd: Addasu'n lleol, arloesi a chydwithio yn ystod y pandemig a thu hwnt

Mae manylion pellach wedi’i gasglu mewn Astudiaeth Leol Newydd (Ion 2021): Symud y Cydbwysedd: Addasu'n lleol, arloesi a chydwithio yn ystod y pandemig a thu hwnt

Mae cynghorau Wrecsam, Sir Ddinbych a Sir Y Fflint wedi gweithio mewn partneriaeth i ddarparu Gwasanaeth Cydlyniant Cymunedol Rhanbarthol i Ogledd Ddwyrain Cymru. Mae’r gwasanaeth yn cefnogi oddeutu 40 o grwpiau cymunedol a sefydliadau trydydd sector sydd yn eu tro yn cynnig cefnogaeth weithgar i gymunedau lleiafrifol. 

Nid oedd llyfrgelloedd Cyngor Sir Powys yn gallu parhau gyda’r cyfleuster archebu llyfrau trwy Gatalog y Llyfrgell yn ystod y pandemig.  A different system was urgently needed to allow customers to request ‘book collections’ to be picked up from selected libraries or delivered to their door, the council came up with the Library Order and Collect Service. Roedd angen system wahanol ar unwaith i alluogi cwsmeriaid i wneud cais i ‘gasglu llyfrau’ o lyfrgelloedd penodol neu eu cludo at eu drws, mae’r cyngor wedi dod i fyny gyda’r system Gwasanaeth Archebu a Chasglu Llyfrgell.

The Web Team at Powys County Council developed a web-based system in response to assessing whether eligible people were in need of regular food parcel deliveries, monitoring the wellbeing of vulnerable residents on a weekly or fortnightly basis and responding to needs for support from Powys Social Care or Community Connectors volunteers.

Mae Tîm y We Cyngor Sir Powys wedi datblygu system ar y we sy’n ymateb i’r broses o asesu os oes angen parseli bwyd yn rheolaidd ar bobl cymwys, monitro lles preswylwyr diamddiffyn yn wythnosol neu bob pythefnos ac ymateb i’r angen am gefnogaeth gan Ofal Cymdeithasol Powys neu wirfoddolwyr Cysylltwr Cymunedol.  

Mae Cyngor Sir Ceredigion wedi creu Hwb Llesiant Gaeaf ar-lein newydd i gefnogi trigolion Ceredigion dros fisoedd hydref a gaeaf. 

Sefydlwyd y gwasanaeth cyfeillio i helpu’r rhai oedd yn teimlo’n ynysig ac eisiau rhywun i sgwrsio â nhw. Mae gwirfoddolwyr, gan gynnwys cynghorwyr, yn sgwrsio gyda phreswylwyr i helpu eu lles yn ystod y cyfnod hwn sy’n ansicr ac i rai yn gyfnod unig hefyd.

Mae’r gwasanaeth cyfeillio yn parhau ar ôl llawer o lwyddiant yn ystod y cyfnod clo.

Mae Cyngor Gwasanaethau Gwirfoddol Sir Ddinbych hefyd yn parhau gyda’u cefnogaeth, gan gysylltu gwirfoddolwyr gyda’r rhai sydd angen ychydig o gymorth ychwanegol e.e. gyda siopa a chasglu presgripsiynau.

Mae Pecyn Adnoddau Cymunedol Cyngor Sir Ddinbych, sydd wedi ei lunio i helpu preswylwyr gyda chefnogaeth yn ystod y cyfnod clo, yn parhau i gael ei ddiweddaru ac ar gael ar y wefan.

Fe gynhaliodd Cyngor Castell-nedd Port Talbot arolwg o’u holl ysgolion yn ymwneud â’u darpariaeth dysgu o bell a lluniwyd Cynllun Parhad Dysgu a chafodd ei rannu gyda’r holl ysgolion o ganlyniad.

Roedd yr arolwg yn nodi unrhyw ddiffygion yn ymwneud â hyfforddiant a’r gefnogaeth oedd ei hangen a chefnogwyd unrhyw ysgol oedd angen cymorth technegol er mwyn darparu dysgu o bell gan swyddogion y cyngor.

Mae’r cyngor wedi darparu dros 1000 o ddyfeisiau ar gyfer disgyblion nad oes ganddynt offer TG priodol na / neu fynediad i’r rhyngrwyd.

Wrth baratoi ar gyfer ailagor, fe baratôdd yr holl ysgolion yng Nghastell-nedd Port Talbot gynlluniau adfer ac asesiadau risg wedi eu seilio ar y canllawiau a ddarparwyd gan dîm gwella ysgolion y cyngor a Llywodraeth Cymru, a darparodd y cyngor ganllawiau ar Ddysgu Cyfunol. Wrth i'r ysgolion ailagor fe sicrhaodd y cyngor fod Penaethiaid yn derbyn cefnogaeth wythnosol i roi'r wybodaeth ddiweddaraf iddynt ar ddatblygiadau allweddol ac i drafod pryderon. Sefydlwyd porthol Cwestiynau Cyffredin pwrpasol.

Fe ddarparodd Gwasanaeth Lles Gofalwyr y Cyngor linell gymorth 24 awr i gefnogi gofalwyr yn ystod y cyfnod clo. Derbyniodd y gwasanaeth lefel uchel o alwadau a phrofodd i fod yn wasanaeth gwerthfawr i ofalwyr yn ystod y cyfnod heriol hwn.

Mae gwasanaethau gofalwyr y cyngor wedi datblygu/cyflwyno ystod o ffyrdd i gyfathrebu gyda gofalwyr yn ystod y pandemig, gan gynnwys posteri a gwybodaeth, galwadau ffôn uniongyrchol i wirio lles gofalwyr, negeseuon ebost rheolaidd, defnyddio technoleg fideo fel zoom a defnyddio'r cyfryngau cymdeithasol.  Hefyd mae gwasanaethau fel sesiynau cwnsela a chyngor wedi eu darparu dros y ffôn i gefnogi gofalwyr.

Mae trefniadau wedi eu gwneud i ofalwyr ym mwrdeistref sirol Pen-y-bont ar Ogwr i dderbyn Cyfarpar Diogelu Personol yn unol â'r canllawiau cenedlaethol.

Cysylltwyd â’r holl denantiaid cyngor o leiaf unwaith ac mae swyddogion yn parhau gydag ail rownd o alwadau lles, er bod ail gychwyn swyddogaethau tai eraill a'r ffaith fod nifer o denantiaid yn dychwelyd i'w gwaith yn effeithio ar hyn bellach. Mae tenantiaid nad oedd modd cysylltu â nhw dros y ffôn wedi derbyn llythyr yn gofyn iddynt gysylltu â’u Swyddfa Dai.

Yn ystod y pandemig mae'r gefnogaeth a gynigiwyd gan Swyddogion Tai y cyngor wedi cynnwys cyngor a chymorth ariannol, cymorth gyda chyflwyno ceisiadau am Gredyd Cynhwysol a Thaliadau Disgresiwn at Gostau Tai, trefnu cynlluniau talu rhent fforddiadwy gyda thenantiaid sydd wedi bod ar ffyrlo ac atgyfeiriadau i Gymdeithas Mudiadau Gwirfoddol Wrecsam am barseli bwyd, dosbarthu presgripsiwn a siopa. 

Mae swyddogion hefyd wedi hyrwyddo gwasanaethau a allai fod o fudd i denantiaid oedd yn ynysu ac wedi gwneud atgyfeiriadau i asiantaethau sy’n cynnig cefnogaeth a chyngor ar unigrwydd, trais domestig, iechyd meddwl ac ymddygiad gwrth gymdeithasol. Roedd swyddogion hefyd yn cynghori ar y ddarpariaeth prydau ysgol am ddim ac yn codi ymwybyddiaeth o dwyll i helpu i gadw tenantiaid diamddiffyn yn ddiogel. I rai tenantiaid roedd y galwadau’n golygu unigolyn cyfeillgar y gallant siarad â nhw gan eu bod yn teimlo’n ynysig. Croesawyd y galwadau ac roedd tenantiaid yn eu gwerthfawrogi.

I gyrraedd preswylwyr nad oes ganddynt fynediad i blatfformau digidol, mae’r cyngor wedi dosbarthu pamffledi i’r holl aelwydydd yn y fwrdeistref yn amlygu’r gefnogaeth gan y cyngor yn ystod pandemig Covid 19.  

Roedd hyn yn cynnwys gwneud pobl yn ymwybodol fod cefnogaeth ar gael mewn amryw o wahanol ieithoedd- er enghraifft mae tudalen ‘Cefnogaeth i bobl yn y pandemig’ ar wefan y cyngor yn cynnwys dolenni i adnoddau amlieithog Llywodraeth Cymru.

Cyhoeddodd y cyngor 90 o ddiweddariadau newyddion yn ymwneud â'r cyfnod clo yn sgil Covid-19 i gynulleidfaoedd allweddol, ar gyfradd o un y dydd rhwng Mawrth a Gorffennaf ac mae wedi datblygu hyn yn ddiweddariad bob pythefnos i roi gwybod i gynulleidfaoedd allweddol am y datblygiadau diweddaraf yn ystod y pandemig.

Mae’r cyngor yn gweithio’n agos gyda sefydliadau ambarél e.e. Cydlyniant Cymunedol Pen-y-bont ar Ogwr a’r Fforwm Cydraddoldeb a Chymdeithas Sefydliadau Gwirfoddol Pen-y-bont ar Ogwr i ddosbarthu gwybodaeth i grwpiau penodol.

Maent yn gweithio ochr yn ochr â phartneriaid fel Bwrdd Iechyd Cwm Taf Morgannwg, Heddlu De Cymru, Cynghorau Tref a Chymuned ayb i ddosbarthu gwybodaeth ac maent yn cefnogi’r partneriaid hyn drwy ddefnyddio sianeli cyfathrebu’r cyngor i rannu’r wybodaeth a gynhyrchwyd.