Nod y sesiwn yw rhoi gwybodaeth glir a ffeithiol a rhoi sicrwydd i drigolion am sut y bydd Clearsprings Ready Homes ac asiantaethau lleol yn cefnogi’r teuluoedd a leolir yn y gwesty. Bydd lan i 241 o bobl yn cyrraedd mewn grwpiau bach fel rhan o strategaeth graddol.

Ni fydd unrhyw deuluoedd yn cyrraedd y gwesty cyn i’r sesiwn wybodaeth hon.

Yn y sesiwn, bydd cynrychiolwyr o’r Swyddfa Gartref, eu darparwr llety Clearsprings Ready Homes, Bwrdd Iechyd Prifysgol Hywel Dda, Cyngor Sir Caerfyrddin, Heddlu Dyfed-Powys a Migrant Help atebu chwestiynau a godwyd gan breswylwyr.

Dwedodd cadeirydd y sesiwn, Canon Aled Edwards OBE, cyn Brif Weithredwr Cytûn Eglwysi Ynghyd yng Nghymru:

“Rydym yn cydnabod y pryderon a godwyd gan y gymuned sydd eisiau eglurder ynghylch y defnydd o westy Parc y Strade fel llety i deuluoedd sy’n ceisio lloches. Bydd y sesiwn ar-lein hon yn ceisio rhoi cyfle i’r Swyddfa Gartref a’u darparwr llety, Clearsprings Ready-Homes fynd i’r afael â phryderon, yn ogystal â chlywed sut y bydd gwasanaethau lleol yn ymateb i gefnogi’r gwesteion.

“Rydym am wneud y sesiwn mor addysgiadol â phosibl er mwyn meithrin dealltwriaeth felly mae eich cwestiynau’n bwysig i ni – cysylltwch â ni.”

Dylid anfon cwestiynau ar gyfer aelodau'r panel drwy e-bost i infoevent@wlga.gov.uk erbyn 09:00 ddydd Llun 21 Awst. Bydd themâu cyffredin yn cael eu nodi o'r cwestiynau a gyflwynir a byddai’n gofyn i'r panel i siarad â'r rhain, i wneud y mwyaf o'r amser sydd ar gael. Ni fydd cwestiynau a gyflwynir yn cael eu gofyn yn unigol oherwydd y diddordeb mawr a ragwelir gan y cyhoedd.

Mae’n bwysig nodi mai sesiwn wybodaeth fydd hon ac ni fydd cyfle i wneud sylwadau na gofyn cwestiynau pellach yn ystod y sesiwn. Os dymunwch i'ch cwestiwn gael ei ystyried gan y panel, rhaid i chi ei gyflwyno ymlaen llaw. Ni fydd aelodau'r panel yn gallu rhoi sylwadau ar unrhyw achosion llys sy'n mynd rhagddynt.

Bydd dogfen cwestiwn ac ateb wedi'i diweddaru ar gael yn dilyn y digwyddiad.

Gellir gwrthod ymholiadau os ystyrir eu bod yn ddifenwol, hiliol, yn wamal neu'n sarhaus. Dim ond y cadeirydd ac aelodau'r panel fydd yn weladwy. Bydd camerâu, meicroffonau a swyddogaethau sgwrsio ar gyfer y rhai sy'n ymuno â'r sesiwn yn cael eu hanalluogi.

Bydd aelodau’r cyhoedd yn gallu ymuno â’r sesiwn yn fyw drwy’r ddolen ganlynol:

https://bit.ly/45dNwKM

Bydd recordiad ar gael ar ôl y sesiwn.

DIWEDD –

Mae pawb ar draws llywodraeth leol Cymru wedi eu dychryn o weld y dinistr sy’n datblygu yn Wcráin. Heddiw, cyfarfu Arweinwyr Grwpiau CLlLC i drafod yr argyfwng dyngarol cynyddol yn y wlad. Dros y penwythnos ysgrifennodd Arweinydd CLlLC, Andrew Morgan at y Prif Weinidog, Boris Johnson am y gwrthdaro, a heddiw mae wedi ailadrodd yr alwad ar Lywodraeth y DU i roi mwy o eglurder a gweithredu ar frys wrth ymateb i argyfwng y ffoaduriaid.

Cadarnhaodd yr arweinwyr fod Llywodraeth Leol yng Nghymru yn barod i wneud popeth o fewn eu gallu i helpu'r rhai sy'n dianc rhag y gwrthdaro yn Wcráin ac yn gwneud paratoadau. Yn eu llythyr at y Prif Weinidog, galwodd yr holl Arweinwyr a'r Llywydd am ddileu'r cynllun fisa cyfyngol a biwrocrataidd presennol er mwyn galluogi'r bobl hynny sy'n ceisio dianc rhag y rhyfel yn Wcráin i ddod i Gymru a dod o hyd i le diogel cyn gynted â phosibl. Mae'r arweinwyr wedi gofyn am gyfarfod brys gydag Ysgrifennydd Gwladol Cymru i drafod y mater.

Mae angen mwy o fanylion am y llwybrau i'r DU ar frys hefyd er mwyn i ni allu gwneud cynnydd o ran cefnogi ffoaduriaid i gyrraedd y DU, y mwyafrif ohonynt yn fenywod, plant a phobl eraill sy'n agored i niwed. 

Mae rhagor o wybodaeth ar ein gwefan: Wcráin - Gwybodaeth a Chymorth - CLILC

A gwefan Llywodraeth Cymru: Wcráin: cefnogaeth i bobl a effeithir | LLYW.CYMRU

“Mae pawb ar draws llywodraeth leol yng Nghymru wedi eu brawychu o weld y digwyddiadau erchyll sydd ar droed yn yr Wcrain."

"Nid oes cais i ailsefydlu wedi ei dderbyn hyd yn hyn gan Lywodraeth y DU.

"Mae cynghorau yn brofiadol o ran helpu i ailsefydlu pobl o wledydd sydd wedi eu heffeithio gan ryfeloedd, a byddant yn gwneud popeth o fewn eu gallu i helpu i gefnogi ymdrechion o'r fath."

Bu’r Bartneriaeth, sy’n cael ei chynnal gan CLlLC, yn arwain ar yr ymateb aml-asiantaeth i gydlynu cefnogaeth ar gyfer y ceiswyr lloches oedd yn aros ar y safle a ddefnyddiwyd gan y Swyddfa Gartref fel lloches dros dro rhwng Medi 2020 a Mai 2021.

Canolbwynt llawer o’r gwaith oedd sicrhau bod gan y bobl oedd wedi eu cartrefu ar y safle fynediad i’r holl wasanaethau oedd eu hangen - gan gynnwys  iechyd, cefnogaeth o’r sector wirfoddol a chyngor cyfreithiol – a sicrhau bod y cyngor lleol a’r holl bartneriaid yn gallu ymateb i’r materion oedd ynghlwm ag agoriad y safle. Bu sefydlu’r safle a gwneud yn siŵr fod ceiswyr lloches wedi eu cefnogi’n llawn, ynghyd a sicrhau cydymffurfiaeth a rheoliadau Covid-19 a chydlyniant cymunedol yn heriau sylweddol ac yn flaenoriaeth allweddol i waith y Bartneriaeth, a chydnabyddwyd ei rôl ganolog gan Heddlu Dyfed Powys gyda’r wobr yn cael ei chyflwyno gan y Comisiynydd Heddlu a Throsedd, Dafydd Llywelyn.

Dywedodd y Cynghorydd Susan Elsmore (Caerdydd), Cadeirydd Partneriaeth Strategol Mewnfudo Cymru:

“Bu’r dasg hon yn eithriadol o anodd, a rwy’n falch fod ymdrechion y tîm wedi cael eu cydnabod fel hyn.

“Ers i’r Swyddfa Gartref gyhoeddi eu bwriad i ddefnyddio’r safle ym Mhenalun i gartrefu ceiswyr lloches, roedd yn rhaid goresgyn llu o heriau ar fyrder i allu croesawu pobl oedd wedi profi trawma annirnadwy. Yn greiddiol i gydlynu’r trefniadau yma oedd ymdrechion Partneriaeth Strategol Mewnfudo Cymru.

“Rwy’n falch fod y tîm, ar ran yr holl bartneriaid, hefyd wedi rhannu awgrymiadau am welliannau, a rydyn ni’n deall y bydd rhain yn cael eu gwreiddio i waith y Swyddfa Gartref yn y dyfodol wrth sefydlu safleoedd o’r fath.”

“Mae’r wobr hon yn dyst i bŵer gwybodaeth leol, empathi a dyfalbarhad, a hoffwn ddiolch i’r holl bartneriaid a ymrwymodd i weithio a’i gilydd i gwrdd â’r her yma.”

DIWEDD 

Cyfarfu arweinwyr ar frys gyda Gweinidogion wythnos diwethaf, gyda deialog yn dilyn ymysg swyddogion a thrafodaethau o fewn cynghorau. Mae cynghorau yn barod i dderbyn ffoaduriaid fel rhan o’r rhaglen a gyhoeddwyd gan y Prif Weinidog.

Bydd pob cyngor yn chwarae rhan yn darparu llety a lloches i’r rhai hynny sy’n gallu gadael y wlad. Mae pob awdurdod yn asesu eu gallu yn barhaus i gartrefu a darparu’r gefnogaeth holistig sydd ei angen i gwrdd a’u anghenion.

Dywedodd Arweinydd CLlLC, y Cynghorydd Andrew Morgan (Rhondda Cynon Taf):

“Ni all unrhyw un amau y golygfeydd brawychus yr ydyn ni’n eu tystio mewn adroddiadau dyddiol o Affganistan. Mae holl gynghorau Cymru wedi ymrwymo i wneud popeth posib yn yr ymdrechion parhaus i roi lloches i’r bobl sy’n ffoi o’r wlad yn ofni am eu bywydau.

“Bydd pob cyngor yn parhau i asesu eu gallu i gartrefu a chwrdd â holl anghenion y rhai sy’n chwilio am loches tra’n parhau i gwrdd ag anghenion a phwyseddau lleol. Caiff hyn ei wneud mewn partneriaeth gyda sefydliadau lleol a chenedlaethol – gan gynnwys y Swyddfa Gartref, Llywodraeth Cymru, y trydydd sector, iechyd a tai – i sicrhau bod yr holl ffoaduriaid sy’n cael eu hailgartrefu yn derbyn y gefnogaeth angenrheidiol a phriodol.

“Fel Cenedl Noddfa, mae gan gymunedai ledled Cymru hanes hir a balch o groesawu’r rhai sydd angen noddfa ddiogel. Rwy’n hyderus y bydd y pobl yma’n cael eu croesawu gyda’r un caredigrwydd a haelioni wrth iddyn nhw edrych i ailadeiladu eu bywydau yn dilyn trawma annirnadwy.”

-DIWEDD-