News http://www.wlga.cymru/news http://www.rssboard.org/rss-specification mojoPortal Blog Module cy-GB 120 no Datganiad gan grŵp arweinwyr CLlLC am y sefyllfa yn Wcráin  

Mae pawb ar draws llywodraeth leol Cymru wedi eu dychryn o weld y dinistr sy’n datblygu yn Wcráin. Heddiw, cyfarfu Arweinwyr Grwpiau CLlLC i drafod yr argyfwng dyngarol cynyddol yn y wlad. Dros y penwythnos ysgrifennodd Arweinydd CLlLC, Andrew Morgan at y Prif Weinidog, Boris Johnson am y gwrthdaro, a heddiw mae wedi ailadrodd yr alwad ar Lywodraeth y DU i roi mwy o eglurder a gweithredu ar frys wrth ymateb i argyfwng y ffoaduriaid.

Cadarnhaodd yr arweinwyr fod Llywodraeth Leol yng Nghymru yn barod i wneud popeth o fewn eu gallu i helpu'r rhai sy'n dianc rhag y gwrthdaro yn Wcráin ac yn gwneud paratoadau. Yn eu llythyr at y Prif Weinidog, galwodd yr holl Arweinwyr a'r Llywydd am ddileu'r cynllun fisa cyfyngol a biwrocrataidd presennol er mwyn galluogi'r bobl hynny sy'n ceisio dianc rhag y rhyfel yn Wcráin i ddod i Gymru a dod o hyd i le diogel cyn gynted â phosibl. Mae'r arweinwyr wedi gofyn am gyfarfod brys gydag Ysgrifennydd Gwladol Cymru i drafod y mater.

Mae angen mwy o fanylion am y llwybrau i'r DU ar frys hefyd er mwyn i ni allu gwneud cynnydd o ran cefnogi ffoaduriaid i gyrraedd y DU, y mwyafrif ohonynt yn fenywod, plant a phobl eraill sy'n agored i niwed. 

Mae rhagor o wybodaeth ar ein gwefan: Wcráin - Gwybodaeth a Chymorth - CLILC

A gwefan Llywodraeth Cymru: Wcráin: cefnogaeth i bobl a effeithir | LLYW.CYMRU

]]>
http://www.wlga.cymru/statement-by-wlga-group-leaders-about-the-crisis-in-ukraine- http://www.wlga.cymru/statement-by-wlga-group-leaders-about-the-crisis-in-ukraine- http://www.wlga.cymru/statement-by-wlga-group-leaders-about-the-crisis-in-ukraine- Tue, 08 Mar 2022 13:15:00 GMT
“Bydd cynghorau yn gwneud popeth o fewn eu gallu i waredu effeithiau gwaethaf Brexit ar wasanaethau lleol hanfodol” Daeth swyddogion ac aelodau arweiniol Brexit ynghyd heddiw mewn digwyddiad i drafod paratoadau ar gyfer Brexit, yng nghanol aneglurder parhaus yn San Steffan.

Ymunodd y Cwnsler Cyffredinol a Gweinidog Brexit Jeremy Miles, ynghyd a Llywydd Confensiwn Awdurdodau Lleol yr Alban (COSLA) y Cyng Alison Evison, gyda chynrychiolwyr llywodraeth leol yn y digwyddiad.

Ers canlyniad y refferendwm yn 2016, mae cynghorau ar draws Cymru wedi ymgymryd â nifer o asesiadau ac arolygon i ganfod y risgiau posibl i wasanaethau lleol pe bai y DU yn ymadael â’r Undeb Ewropeaidd. Trwy CLlLC, mae awdurdodau lleol wedi bod yn gweithio gyda Llywodraeth Cymru i geisio a lleihau’r effeithiau gwaethaf ar wasanaethau lleol a chymunedau, er bod ansicrwydd parhaus yn San Steffan, a’r posibilrwydd o ymadael blêr heb gytundeb, yn rhwystro cynghorau rhag gallu ymateb.

Mae pecyn gwaith wedi ei gomisiynu gan CLlLC a’i ddatblygu gan Grant Thornton, i helpu awdurdodau lleol yn eu hymdrechion i sicrhau parhad gwasanaethau lleol hanfodol yn wyneb goblygiadau gadael yr UE.

 

Dywedodd y Cynghorydd Rob Stewart (Abertawe), Llefarydd CLlLC dros Ewrop:

“Bu’r digwyddiad heddiw yn gyfle gwerthfawr i lywodraeth leol ddod at ei gilydd i gymryd stoc ac i rannu profiadau am eu hymdrechion yn paratoi ar gyfer Brexit. Mae cynghorau yn gwneud popeth o fewn eu gallu i baratoi gwasanaethau lleol ac i gyfyngu’r effeithiau ar drigolion a chymunedau.

“Rydyn ni’n ddiolchgar i Lywodraeth Cymru am ddarparu cyllid i gefnogi awdurdodau i gydlynu eu paratoadau yn lleol. Fodd bynnag, mae pen draw i faint y gall awdurdodau lleol baratoi yn wyneb newidiadau mor bellgyrhaeddol, yn enwedig yng nghyd-destun sefyllfa blêr o ddim cytundeb. Ar flaenau ein meddyliau i gyd mae pryderon o ran cyflenwadau tanwydd a bwyd, anwadalrwydd prisiau a goblygiadau statws sefydlog UE, yn enwedig o ran y gweithlu gofal cymdeithasol, wrth i 31ain Hydref brysur nesáu.

“Byddwn ni’n parhau i gydweithio gyda Llywodraeth Cymru i sicrhau parhad ein gwasanaethau lleol hanfodol y gorau gallwn ni yn ystod y cyfnod yma o newid mawr.”

 

Dywedodd Jeremy Miles, Cwnsler Cyffredinol a Gweinidog Brexit:

“Tra mae’r bygythiad o ddim cytundeb trychinebus wedi cynyddu, ac ein gwaith paratoi wedi dwysáu, rydyn ni wedi teimlo pellhad o ran ymgysylltu gan Lywodraeth DU. Yn ffodus, nid dyma’r achos yng Nghymru. Rwy’n ddiolchgar i’n partneriaid o fewn llywodraeth leol sydd wedi ymgysylltu a herio Llywodraeth Cymru trwy gydol y cyfnod hwn a roeddwn i’n falch i allu ymuno â nhw yn eu digwyddiad i drafod sut y gallwn ni barhau i weithio gyda’n gilydd i ganfod ffyrdd i oresgyn effeithiau gwaethaf Brexit.”

 

Dywedodd y Cynghorydd Alison Evison, Llywydd COSLA:

“Roedd heddiw yn gyfle pwysig i gryfhau ymhellach y cysylltiadau rhwng COSLA â CLlLC. Rydyn ni’n wynebu nifer o heriau tebyg wrth i ni geisio darparu gwasanaethau hanfodol i’n cymunedau yng nghyd-destun Brexit, a rydyn ni’n rhannu diddordeb o rhan parhau yn gyson ar daith datganoli. Mae’r cysylltiad rhwng ein dau sefydliad yn werthfawr wrth i ni wasanaethau ein aelod gynghorau a’r cymunedau uniongyrchol y mae nhw’n eu cynrychioli.”

 

-DIWEDD-

 

NODIADAU I OLYGYDDION

Ceir fwy o fanylion am gefnogaeth CLlLC i gynghorau trwy Rhaglen Cefnogi Trosglwyddiad yr UE yma:

 

 

]]>
http://www.wlga.cymru/councils-will-do-all-they-can-to-try-to-mitigate-worst-effects-of-brexit-on-essential-local-services http://www.wlga.cymru/councils-will-do-all-they-can-to-try-to-mitigate-worst-effects-of-brexit-on-essential-local-services http://www.wlga.cymru/councils-will-do-all-they-can-to-try-to-mitigate-worst-effects-of-brexit-on-essential-local-services Thu, 05 Sep 2019 15:42:00 GMT
£1.2m ar gyfer paratoadau gan Lywodraeth Leol ar gyfer Brexit Mae £1.2m yn ychwanegol wedi'i ddyrannu i helpu'r awdurdodau lleol i baratoi ar gyfer Brexit, cyhoeddodd y Gweinidog Tai a Llywodraeth Leol, Julie James heddiw.

Bydd hyd at £45,000 ar gael i bob awdurdod lleol yng Nghymru, a bydd swm pellach o £200,000 ar gael iddynt trwy Gymdeithas Llywodraeth Leol Cymru.  Bydd yr arian yn sicrhau bod adnodd dynodedig ym mhob awdurdod lleol i wneud y gwaith cynllunio, cydgysylltu a pharatoi. Caiff ei gefnogi a'i gydgysylltu gan CLlLC ar draws yr holl awdurdodau lleol er mwyn osgoi dyblygu, sicrhau effeithiolrwydd a hybu cyflawni ar draws llywodraeth leol.

Dros y misoedd diwethaf, wrth i'r awdurdodau lleol ddechrau paratoi o ddifrif ar gyfer Brexit a'r posibilrwydd y byddwn yn ymadael â'r UE heb gytundeb, mae wedi dod i'r amlwg bod angen iddynt gynyddu eu gallu i baratoi a rhoi ymatebion ar waith ar lefel leol. Er bod y gwaith o ailddyrannu ac ailflaenoriaethu staff wedi digwydd ar draws yr holl awdurdodau lleol, mae graddfa'r gweithgarwch y mae ei angen erbyn hyn ar gyfer paratoadau Brexit yn golygu bod angen iddynt fynd ati i gynllunio a pharatoi a hynny ar fyrder.

 

Wrth gyhoeddi'r cyllid, dywedodd y Gweinidog:

“Mae gan yr Awdurdodau Lleol rôl allweddol o ran paratoi ar gyfer Brexit heb gytundeb a sefyllfaoedd eraill mewn perthynas â Brexit ac ymateb i'r sefyllfaoedd hyn.  Os na fyddant wedi paratoi'n ddigonol, bydd yn gwaethygu'r risgiau a'r materion a wynebir gan bobl, sefydliadau a busnesau ac yn effeithio ar wasanaethau hanfodol megis iechyd, gofal cymdeithasol ac addysg.”

“Mae angen i hyn fod yn adnodd dynodedig ac nid adnodd ar ben y gwaith bob dydd os oes gobaith iddo fod yn effeithiol. Rhaid cofio mai darparu gwasanaethau hanfodol yw llawer o'r gwaith bob dydd. Mae'n debygol y bydd galwadau cynyddol ar y gwasanaethau hyn ni waeth pa fath o Brexit gawn ni yn y pen draw felly bydd y cyllid hwn yn ein helpu i baratoi ar eu cyfer yn fwy trylwyr.  

“Er nad oes modd lliniaru effeithiau Brexit heb gytundeb yn llwyr, byddwn yn parhau i gymryd camau ac yn helpu sefydliadau ledled Cymru i wneud ein gorau glas i baratoi ar gyfer Brexit.”

 

Dywedodd y Cyng Debbie Wilcox (Casnewydd), Arweinydd CLlLC:

“Mae'r awdurdodau lleol ar y rheng flaen pan ddaw at liniaru effaith Brexit ar gymunedau, sefydliadau a busnesau yng Nghymru.

“Buom yn cynllunio a pharatoi ar gyfer gwahanol sefyllfaoedd Brexit ers canlyniad y refferendwm. Ond rhaid i hyn gael ei wneud yn erbyn cefndir o ansicrwydd mawr ynghylch cyfeiriad Brexit ar adeg pan fo llywodraeth leol yn wynebu llu o bwysau eraill. Mae awdurdodau lleol Cymru wedi bod mewn sefyllfaoedd gwahanol o safbwynt y cyllid a'r capasiti y maent wedi llwyddo i'w neilltuo i'r paratoadau ar gyfer Brexit.

“Mae'r cyhoeddiad heddiw ynghylch cymorth ychwanegol oddi wrth Lywodraeth Cymru yn cael ei groesawu'n fawr gan bob un o Awdurdodau Lleol Cymru. Mae Rhaglen CLlLC i gefnogi Brexit wedi rhoi cymorth canolog hollbwysig i'r awdurdodau lleol i baratoi ar gyfer Brexit ac mae'n bwysig i hyn barhau. Bydd y cyllid sy'n mynd at yr awdurdodau lleol yn sicrhau bod adnodd dynodedig yn ei le ym mhob awdurdod lleol i wneud y gwaith cynllunio, cydgysylltu a pharatoi sy'n gysylltiedig â Brexit sy'n debygol o barhau at y dyfodol.

]]>
http://www.wlga.cymru/1.2m-for-local-government-brexit-preparations http://www.wlga.cymru/1.2m-for-local-government-brexit-preparations http://www.wlga.cymru/1.2m-for-local-government-brexit-preparations Wed, 13 Mar 2019 11:31:00 GMT
Gweithio ar y cyd yn "hanfodol" i baratoi at ganlyniadau Brexit Mae Llefarydd CLlLC dros Iechyd a Gofal Cymdeithasol wedi dweud heddiw fod cyfuno ymdrechion ar draws sectorau gofal cymdeithasol ac iechyd yn hanfodol i ddygymod ag effeithiau posib Brexit.

Tra’n siarad mewn cynhadledd arbennig i gefnogi sector gofal cymdeithasol Cymru wrth baratoi at Brexit, pwysleisiodd y Cynghorydd Huw David y modd y bydd gan yr holl bartneriaid rannau allweddol i’w chwarae i liniaru effeithiau Brexit ar bobl sy’n ddibynnol ar wasanaethau iechyd a gofal cymdeithasol.

Roedd y gynhadledd – a drefnwyd ar y cyd rhwng CLlLC, Llywodraeth Cymru, Cymdeithas Cyfarwyddwyr Gwasanaethau Cymdeithasol Cymru, Fforwm Gofal Cymru, Gofal Cymdeithasol Cymru a Chyd-Ffederasiwn GIG Cymru – yn dod ag ymarferwyr, cynghorwyr a budd-ddeiliaid allweddol ynghyd i drafod effeithiau posib Brexit ar y sector iechyd a Gofal Cymdeithasol, y gwaith paratoi sy’n parhau, a chamau gweithredu pellach sydd eu hangen.

Mae’r digwyddiad yn rhan o Raglen Cefnogi Trosglwyddiad Brexit CLlLC, a ariennir gan Lywodraeth Cymru.

Rhoddodd y gynhadledd gyfle i rannu rhai diweddariadau pwysig, gyda Chymdeithas Cyfarwyddwyr Gwasanaethau Cymdeithasol Cymru a Gofal Cymdeithasol yn cyflwyno canfyddiadau hir-ddisgwyliedig gwaith ymchwil i gyfansoddiad y gweithlu gofal cymdeithasol a gofal plant yng Nghymru; a’r Swyddfa Gartref yn darparu’r wybodaeth ddiweddaraf ar Gynllun Statws Preswylydd Sefydlog yr UE a’i ddisgwyliadau ar wasanaethau cymdeithasol.

 

Dywedodd y Cynghorydd Huw David (Pen-y-Bont ar Ogwr), Llefarydd CLlLC dros Iechyd a Gofal Cymdeithasol:

“Mae’n glir fod gan ymadael â’r UE y potensial i darfu ar y ddarpariaeth o wasanaethau iechyd a gwasanaethau cymdeithasol gan y bydd yn effeithio ar ddyletswyddau statudol, y gweithlu a llinellau cyflenwi. Byddai Brexit anhrefnus heb gytundeb yn gwneud dim ond gwaethygu’r sefyllfa a phryderon preswylwyr sy’n derbyn gofal cymdeithasol.

“Rydw i mor falch o weld cymaint o gynrychiolwyr awdurdodau lleol, ein partneriaid allweddol ac ymarferwyr yn dod ynghyd yn y digwyddiad hwn er mwyn trafod sut y gallwn ni oll gyfrannu i liniaru rhai o effeithiau posib Brexit. Does dim amheuaeth nad yw’r cyfnod sydd o’n blaenau yn cynnig nifer o heriau i’r ddarpariaeth iechyd a gofal cymdeithasol. Bydd gweithio ar y cyd yn hanfodol os am oresgyn yr anawsterau a pharhau i gynnig y gofal o ansawdd uchel a ddisgwylir gan breswylwyr.”

 

Dywedodd Vaughan Gething AC, Gweinidog Iechyd a Gwasanaethau Cymdeithasol Llywodraeth Cymru:

“Cynnal gwasanaethau iechyd a gofal cymdeithasol o ansawdd uchel yw fy mlaenoriaeth pennaf wrth baratoi at bosibilrwydd Brexit heb gytundeb. Oherwydd y diffyg eglurder parhaus o du llywodraeth y DU o ran ein perthynas â’r UE yn y dyfodol, mae’n rhaid i ni barhau i baratoi ein gwasanaethau cyhoeddus at bob canlyniad posib. Dyna pam ei bod mor hanfodol fod arweinwyr iechyd a gofal cymdeithasol wedi dod ynghyd heddiw i asesu a cheisio mynd i’r afael â’r heriau y gallem fod yn eu hwynebu; ac i drafod sut y gallwn ni weithio gyda’n gilydd i liniaru eu heffaith.”

 

Meddai Vanessa Young, Cyfarwyddwr Cyd-Ffederasiwn GIG Cymru:

“Mae arweinwyr iechyd a gofal cymdeithasol wedi bod yn cydweithio’n agos â Llywodraeth Cymru i baratoi at sefyllfa o Frexit heb gytundeb. Ein blaenoriaeth yw i warchod cleifion a chleientiaid ac i gynnal gwasanaethau o ansawdd uchel.  Trwy gynlluniau ar lefel y DU, ar lefel genedlaethol ac ar lefel leol, rydym yn rhoi trefniadau yn eu lle i sicrhau parhad cyflenwadau o feddyginiaethau a defnyddiau traul clinigol a ddefnyddir gan y sector iechyd a gofal cymdeithasol.   

Yn y tymor hirach, ein blaenoriaeth yw i sicrhau y gallwn gydweithio â phartneriaid i wneud y gorau o ganlyniad terfynol Brexit tra’n sicrhau y gallwn barhau i recriwtio a chadw gwladolion yr UE ar draws ein system iechyd a gofal.”

 

Dywedodd Cyfarwyddwr Arweiniol ADSS Cymru ar gyfer y Gweithlu, Jonathan Griffiths:

“Fel y sefydliad arweiniol cenedlaethol ar gyfer gwasanaethau cymdeithasol yng Nghymru, rydyn ni’n croesawu comisiynu Ipsos Mori gan Lywodraeth Cymru i ddeall effaith Brexit, ym mha bynnag ffurf y bydd yn ei gymryd, ar y gweithlu gofal cymdeithasol yng Nghymru.”

“Tra’r ydyn ni’n disgwyl y bydd peth effaith cyfyngedig, gan ystyried cyflogoaeth dinasyddion yr UE yn ein sector, dim ond un elfen ydyw o’r heriau ehangach o ran recriwtio a chadw staff y mae’r holl rhanddeiliaid cyhoeddus yn ymrafael â nhw.”

“Bydd datblygiad presennol o strategaeth weithlu genedlaethol ar gyfer iechyd a gofal cymdeithasol yn helpu yn sylweddol i rwystro nifer o’r pwyseddau amrywiol eraill yn y sector, i sicrhau bod gan Gymru weithlu cryf, iach a wedi’i hyfforddi’n dda ar gyfer y dyfodol.”

 

Dywedodd Sue Evans, Prif Weithredwr Gofal Cymdeithasol Cymru:

“Rydyn ni’n gweithio gyda Llywodraeth Cymru a phartneriaid eraill ar hyn o bryd i ddeall effeithiau Brexit yn well. Mae gofal cymdeithasol yng Nghymru yn wynebu heriau recriwtio a chadw staff, a gall y rhain fod yn hyn oed yn fwy heriol os na fydd dinasyddion UE yn gallu aros a gweithio yng Nghymru, neu eu bod yn dewis i beidio gwneud hynny.”

“Mae sefydliadau iechyd a gofal cymdeithasol yn datblygu cynlluniau recriwtio ar y cyd i leihau effaith Brexit, a rydyn ni ar hyn o bryd yn  gweithio gyda chyrff rhanbarthol i arwain ymgyrch genedlaethol i ddenu, recriwtio a chadw staff. Rydyn ni’n gobeithio y bydd y gweithgareddau yma yn lleihau’r risg o fwy o heriau yn y gweithlu, er mwyn sicrhau bod y rheiny sydd angen gofal chefnogaeth yn gallu dibynnu ar ymateb cyson ar draws Cymru.”

-DIWEDD-


Nodiadau i olygyddion:

Mae’r digwyddiad ‘Brexit a Gofal Cymdeithasol’ yn digwydd ar ddydd Iau 14 Chwefror yng Ngwesty’r Metropole, Llandrindod. Disgwylir y bydd oddeutu 80 o gynrychiolwyr yn mynychu’r digwyddiad. Gellir dod o hyd i ragor o wybodaeth a rhaglen y digwyddiad yma

Mae’r digwyddiad wedi ei ariannu fel rhan o Raglen Cefnogi Trosglwyddiad Brexit ar gyfer Awdurdodau Lleol Cymru

]]>
http://www.wlga.cymru/working-together-crucial-to-prepare-for-brexit-outcome-1 http://www.wlga.cymru/working-together-crucial-to-prepare-for-brexit-outcome-1 http://www.wlga.cymru/working-together-crucial-to-prepare-for-brexit-outcome-1 Thu, 14 Feb 2019 15:27:00 GMT
‘Peidiwch gadael Cymru wledig ar ôl wedi Brexit’: Rhybudd gan arweinwyr gwledig CLlLC Ni ddylai Cymru gael ei rhoi o dan anfantais cystadleuol mewn unrhyw ddulliau o gefnogi amaethyddiaeth yn y dyfodol, mae arweinwyr cynghorau gwledig yng Nghymru yn rhybuddio.

 

Mewn cyfarfod yng ngogledd Cymru o Fforwm Gwledig CLlLC (sydd yn cynnwys naw o’r 22 o awdurdodau lleol yng Nghymru) i ystyried ei ymateb i ymgynghoriad ‘Brexit a’n Tir’ gan Lywodraeth Cymru, cytunodd arweinwyr na ddylai cyflwyno unrhyw newidiadau roi rheolwyr tir yng Nghymru o dan anfantais gystadleuol o’i chymharu â chenhedloedd eraill y DU a gweddill yr UE. Fe wnaethon nhw hefyd gytuno y byddai’n rhaid cael cyfnod trosglwyddiad o saith mlynedd, o 2021, er mwyn llwyddo i weithredu unrhyw newidiadau.

 

Cynigir yn ymgynghoriad Llywodraeth Cymru symud i ffwrdd oddi wrth taliadau sylfaenol i ddau gynllun newydd wedi Brexit, sef cynllun cadernid economaidd a chynllun nwyddau cyhoeddus.

 

Mae’r ymateb – a ystyriwyd gan Fforwm Gwledig CLlLC ac yna ei gytuno gan pob un o’r 22 o arweinwyr cyngor – yn amlinellu deng maes sydd angen cael eu hystyried cyn y gellir trafod y ddau gynllun newydd mewn manylder. Yn ogystal â’r angen i osgoi Cymru’n cael ei rhoi dan anfantais gystadleuol, mae meysydd allweddol eraill y yr ymateb i’r ymgynghoriad yn cynnwys:

 

  • Mwy o gydnabyddiaeth i bwysigrwydd cynhyrchu bwyd – dylai bod ffocws cryfach ar gefnogaeth i gynhyrchu bwyd a mwy o sylw i’r mater o ddiogelwch bwyd
  • Dylai bod ffermwyr tenant ac ar raddfa llai yn cael eu gwarchod – mae’r cynigion yn rhoi gweithrediadau amaethyddol a’r rheiny gyda chyfyngiadau amgylcheddol / cynhyrchiant yn arbennig mewn risg. Dylai bod y rheiny sydd yn ffermio tir o’r fath, gan gynnwys ffermwyr yr ucheldir, gael eu gwarchod, yn ogystal â sut y gall pecynnau cefnogaeth penodol sicrhau dyfodol i ffermydd tenant.
  • Mae cefnogaeth datblygu gwledig yn hanfodol – ar hyn o bryd, mae’n aneglur pa gefnogaeth sy’n mynd i fod ar gael yn y dyfodol
  • Mae angen asesiad effaith ar gyfer yr iaith Gymraeg – mae’r Gymraeg yn ffynnu mewn cymunedau ffermio, ac mae angen gwell dealltwriaeth o effaith newidiadau o’r fath.

 

Dywedodd y Cynghorydd Dyfrig Siencyn (Gwynedd), Llefarydd ar y Cyd dros Faterion Gwledig:

“Mae’r Fforwm yn deall yr angen – â’r manteision posib – o system newydd wedi’i theilwra ar gyfer anghenion Cymru. Fodd bynnag, rydyn ni yn bryderus y gall y newidiadau fod yn niweidiol i economïau a chymunedau gwledig os nad yw’r risgiau yn cael eu hadnabod yn glir ymlaen llaw a bod mesurau addas yn cael eu rhoi mewn lle. Dylien ni ddim rhuthro’r newidiadau yma yn yr hinsawdd presennol o ansicrwydd ynghylch Brexit.”

 

Dywedodd y Cynghorydd Rosemarie Harris (Powys), Llefarydd ar y Cyd dros Faterion Gwledig:

“Teuluoedd fferm yw asgwrn cefn llawer o’n cymunedau gwledig ni, yn rhoi sefydlogrwydd a chefnogaeth i rwydweithiau cymdeithasol. Mae wirioneddol bwysig ein bod ni’n datblygu trefniadau newydd gan weithio â nhw a’u cyrff cynrychiadol. Mae deialog barhaus wedi bod trwy Grwp Ford Gron yr Ysgrifennydd Cabinet, ond mae’n rhaid i’r ddeialog honno barhau a’u lleisiau i gael eu clywed – fel y dylai ein lleisiau ni, fel aelodau etholedig cymunedau lleol.”

 

I weld ymateb llawn CLlLC i ymgynghoriad ‘Brexit a’n Tir’ gan Lywodraeth Cymru, ewch i www.wlga.cymru/Brexit

]]>
http://www.wlga.cymru/dont-leave-rural-wales-behind-post-brexit-warn-wlga-rural-leaders http://www.wlga.cymru/dont-leave-rural-wales-behind-post-brexit-warn-wlga-rural-leaders http://www.wlga.cymru/dont-leave-rural-wales-behind-post-brexit-warn-wlga-rural-leaders Thu, 01 Nov 2018 10:02:00 GMT
Cynghorau yn paratoi am Brexit Mae Rhaglen Cefnogi Trosglwyddiad Brexit CLlLC yn cael ei lansio yr wythnos hon, gyda’r cyntaf mewn cyfres o ddigwyddiadau yn cael ei gynnal fel rhan o arlwy o gefnogaeth CLlLC i gynghorau yn eu paratoadau ar gyfer ymadawiad y DU o’r Undeb Ewropeaidd.

Cafodd y digwyddiad cyntaf – yn cael ei gyflwyno ar y cyd rhwng CLlLC, y Swyddfa Gartref a WCVA – ei gynnal heddiw, ac yn darparu awdurdodau lleol gyda’r cyfle i ddysgu mwy am eu rôl yn cyfathrebu Rhaglen Ymsefydlu y Swyddfa Gartref, a fydd yn galluogi trigolion a’u teuluoedd i ymgeisio am statws sefydlog yn y y DU.

Bydd digwyddiadau eraill a gynhelir gan CLlLC yn y misoedd nesaf yn canolbwyntio ar oblygiadau a pharatoadau ar gyfer Brexit mewn meysydd yn cynnwys yr amgylchedd, diogelu’r cyhoedd a materion gwledig.

Gwnaed arlwy o gefnogaeth CLlLC yn bosibl diolch i £150,000 o gyllid a dderbyniwyd fel rhan o Rhaglen Cefnogi Trosglwyddiad EU gan Lywodraeth Cymru. Yn ogystal a chynnal cyfres o ddigwyddiadau gwybodaeth, caiff y cyllid hefyd ei ddefnyddio i ddarparu adnoddau a chomisiynu ymchwil ar faterion ble y bydd Brexit yn effeithio’n fawr ar lywodraeth leol.

Awdurdodau lleol sy’n gweithredu dros 60% o ddeddfwriaeth yr UE. Mae cynghorau ledled Cymru yn asesu effaith posib Brexit yn eu ardaloedd lleol, ac yn paratoi gyda chefnogaeth gan CLlLC.

Dywedodd y Cynghorydd Rob Stewart (Abertawe), Llefarydd CLlLC dros Ewrop:

“Yr unig sicrwydd sydd gennym ni ar hyn o bryd ydi y bydd pethau’n wahanol wedi i ni adael yr Undeb Ewropeaidd. Mae Brexit heb fargen yn debygol o gael effaith negyddol sylweddol ar ystod o wasanaethau cyngor a fydd yn taro ein trigolion. Rydyn ni angen gwneud popeth o fewn ein gallu i baratoi am Brexit heb fargen, hyd nes y bydd unrhyw fargen a manylion unrhyw drefniant newydd wedi eu cytuno.”

“Gyda dim arwydd eto am senario debygol wedi Brexit, mae’n hanfodol bod awdurdodau lleol yng Nghymru yn dod at eu gilydd i drafod a pharatoi am bob canlyniad posib. Rwy’n edrych ymlaen i gwrdd a chydweithwyr i drafod syniadau am sut y gall awdurdodau lleol addasu i’r newidiadau enfawr sydd ar y gorwel.”

I ganfod mwy am waith CLlLC, ewch i http://www.wlga.cymru/brexit.

-DIWEDD-

]]>
http://www.wlga.cymru/councils-prepare-for-brexit http://www.wlga.cymru/councils-prepare-for-brexit http://www.wlga.cymru/councils-prepare-for-brexit Thu, 20 Sep 2018 13:31:00 GMT
Angen sicrwydd ar frys ynghylch ariannu rhanbarthol wedi Brexit Gyda rownd pellach o drafodaethau yn San Steffan a Chymru ar flaenoriaethau Brexit wythnos yma, mae CLlLC yn galw heddiw ar eglurder brys ar drefniadau ariannu rhanbarthol wedi Brexit i gefnogi cymunedau Cymreig.

Mae arian adfywio’r UE wedi ei ddefnyddio i gefnogi cyflogaeth, twf busnes ac adfywio economaidd cymunedau Cymreig. Mae hyn yn cynnwys y Cronfeydd Strwythurol a’r Cynllun Datblygu Gwledig yng Nghymru, ac yn flynyddol maent werth £295m a £80m yn eu trefn[1]. Yn gyfunol ag ariannu cyfatebol o ffynonellau eraill, mae hwn yn swm sylweddol o arian a fydd yn dod i ben ddiwedd 2020.

Mae Llywodraeth y DU wedi addo sefydlu Cronfa Ffyniant a Rennir y DU i gymryd lle arian cefnogaeth ranbarthol yr UE o 2021. Hyd yma, dim ond manylion bras sydd wedi eu rhannu am y gronfa arfaethedig yma.

Mae Cymdeithas Llywodraeth Leol Cymru (CLlLC) yn galw ar Lywodraeth y DU i sefydlu amserlen glir ar gyfer ymgysylltu a fyddai’n parchu’r setliad datganoledig yng Nghymru.

Meddai y Cynghorydd Debbie Wilcox (Casnewydd), Arweinydd CLlLC

“Er bod Cymru wedi pleidleisio i adael yr Undeb Ewropeaidd, ni bleidleisiwyd i fod yn dlotach neu fod mewn gwaeth sefyllfa.

“Mae gan gymunedau yng Nghymru eu anghenion a’u amgylchiadau unigryw eu hunain, ac mae ein rhaglenni ariannu wedi eu teilwra i wneud y gorau o unrhyw gyfleoedd economaidd a ddaw o’r sectorau cyhoeddus a phreifat. Mae ariannu o’r fath wedi bod yn hanfodol mewn sicrhau swyddi, sgiliau, ac adfywio economaidd ar draws Gymru gyfan.

“Pe bydden ni wedi aros yn yr UE, byddai cynghorau eisoes yn cynllunio prosiectau ar gyfer y rownd nesaf o ariannu strwythurol – fel mae ein cymdogion yn Ewrop yn wneud ar hyn o bryd – ar gyfer 2021-27. Os nad ydym i bobl yng Nghymru i golli allan, mae llywodraeth leol angen eglurder ar fyrder gan Lywodraeth DU ar y Gronfa newydd yma.

“Fel rhan o ddatblygu ein polisi rhanbarthol newydd i Gymru, mae CLlLC wedi gofyn yn gyson am ffordd newydd o weithio sydd wedi ei ddatganoli yn llawn er mwyn sicrhau model sydd yn effeithiol ac yn addas i’r pwrpas o ymateb i heriau a chyfleoedd yr economi Gymreig fodern[2].” 

DIWEDD

 

NODIADAU I OLYGYDDION

Rhai o esiamplau o brosiectau mae Llywodraeth Leol yn arwain arno o fewn y rhaglenni 2014-20 presennol yn cynnwys:

  • Rheolaeth a gweithrediad lleol o brosiectau isadeiledd twristiaeth fel rhan o brosiect Cyrchfannau Twristiaeth Atyniadol Croeso Cymru
  • Datblygiad a gweithrediad safleoedd ac eiddo busnes
  • Prosiectau Sgiliau a Chyflogadwyedd Rhanbarthol a Lleol – yn cefnogi pobl i mewn i waith, gwella cyfleoedd o fewn gwaith a cefnogaeth ac ymgysylltedd pobl ifanc.
  • Rheolaeth strategol a llywodraethu partneriaethau Cynllun Datblygu Gwledig.
  • Mewn datblygu polisi rhanbarthol newydd i Gymru, mae CLlLC yn galw am:
  • Sicrhau lefelau ariannu newydd llawn, yn unol â’r addewidion wnaed cyn y refferendwm.
  • Ffordd o weithio sydd yn parchu datganoli yng Nghymru.
  • Ymrwymiad tuag at weithio mewn partneriaeth a chyd-ddylunio polisi’r dyfodol, i sicrhau fod rhaglenni’r dyfodol yn addas i’r pwrpas mewn ymateb i flaenoriaethau lleol, rhanbarthol a chenedlaethol.
  • Sicrwydd cynllunio drwy ariannu aml-flynyddol. Mae angen ffordd o gefnogi buddsoddiad rhanbarthol dros y tymor hir os ydym am wireddu’r newidiadau sydd eu hangen yn yr Economi Gymreig er mwyn cynyddu cynhyrchiant a sicrhau twf economaidd hir-dymor cynaliadwy ymhob rhan o Gymru.

Mae Strwythurau Partneriaethau Rhanbarthol yn darparu’r seiliau allweddol i fedru datblygu a gweithredu’r ffordd newydd o weithio i Fuddsoddiad Rhanbarthol yng Nghymru wedi Brexit.

 

[1] Welsh Government White Paper: Securing Wales’ Future (https://beta.gov.wales/brexit)

[2] https://www.bevanfoundation.org/news/2017/10/joint-call-devolution-shared-prosperity-fund-wales/

]]>
http://www.wlga.cymru/urgent-clarity-needed-on-post-brexit-regional-funding http://www.wlga.cymru/urgent-clarity-needed-on-post-brexit-regional-funding http://www.wlga.cymru/urgent-clarity-needed-on-post-brexit-regional-funding Fri, 06 Jul 2018 14:24:00 GMT
Bywiogi’r cymunedau gwledig i wynebu Brexit, meddai Fforwm Gwledig CLlLC Mae Fforwm Gwledig CLlLC, sy’n cynnwys naw awdurdod lleol gwledig o bob cwr o Gymru, yn galw ar Lywodraethu Cymru a’r DU i sicrhau nad yw cymunedau gwledig Cymru’n cael eu gadael ar ôl, ar ôl Brexit.  

Fe wnaeth arweinwyr yr awdurdodau hyn gyfarfod yn Fforwm Gwledig CLlLC yn Llandrindod ddydd Mercher 6 Mehefin. Mae’r fforwm â’r mandad democrataidd i siarad ar ran cymunedau gwledig Cymru, sy’n aml yn dod yn ail yn y setliad datganoledig yng Nghymru. Mae’r fforwm yn bwriadu gweithio gyda’r cymunedau hyn i wneud yr achos anorchfygol dros fwy o adnoddau, cludiant gwell, tai fforddiadwy ac adfywiad economaidd.

Yn anad dim, rydym yn galw am drefniadau ariannu wedi’u sicrhau ar ôl Brexit, i sicrhau nad yw ein cymunedau gwledig yn cael eu gadael ar ôl. Gwnaed addewidion clir cyn y refferendwm ac mae'r amser yn agosáu i wleidyddion San Steffan weithredu ar y rhain. Nid yw hyn yn ymwneud â phroblemau yn y sector amaethyddol yn unig, gyda'r Polisi Amaethyddol Cyffredin yn dod i ben, ond hefyd y diffyg o ran cyflogaeth ystyrlon a chartrefi i bobl ifanc, y rhaglen sgiliau a'r ffaith bod y gefnlen ddigidol ar draws ardaloedd gwledig Cymru yn gyntefig, yn enwedig o ran cysylltedd band eang. Tra bod rhai cymunedau’n awchu am y cyfle o gael 5G, mae eraill yn dal i aros am dechnoleg 3G.   

Mae Aelodau o Fforwm Gwledig CLlLC wedi cytuno i bwyso ar Lywodraethau’r DU a Chymru ar y materion allweddol canlynol:

  1. Ceisio eglurhad ar unwaith o ran natur Gwarant Llywodraeth y DU ar gyfer bob Rhaglen Ariannu UE gyfredol yng Nghymru.
  2. Ceisio eglurhad ar unwaith ar gyllid UE wedi’i ddisodli, ar gyfer Datblygu Economaidd, Sgiliau a Chyflogaeth Wledig.
  3. Pwyso ar Lywodraethau'r DU a Chymru ar gyfer mewnbwn llywodraeth leol o ran datblygu Fframweithiau DU allweddol, a threfniadau deddfwriaethol eraill, a fydd yn llywodraethu meysydd allweddol o gyfrifoldebau llywodraeth leol wrth i’r DU adael yr UE (e.e. mewn perthynas â Safonau Masnachu ac Amgylcheddol).
  4. Archwilio Bargen Sector Cymru Wledig, wedi’i halinio â Strategaeth Ddiwydiannol Llywodraethu y DU, ac ategu at 4 Bargen Twf a Dinas ar draws Cymru.  
  5. Nodi’r meysydd allweddol hynny o weithgaredd, lle mae pob Awdurdod Lleol Gwledig yn cydweithio i roi sylw i faterion a heriau cyffredin e.e. mewn perthynas â'r rhaglenni Sgiliau a Digidol.
  6. Nodi atebion arloesol i’r heriau a’r cyfleoedd sy’n wynebu Cymru Wledig.
  7. Darparu llais dylanwadol ac onest dros Gymru Wledig i godi proffil materion gwledig o fewn pob un o’r 4 Rhanbarth ar draws Cymru, ac o fewn Llywodraeth Cymru.

Dywedodd y Cynghorydd Rosemarie Harris (Powys), Llefarydd Materion Gwledig ar y Cyd CLlLC a Chyd-gadeirydd Fforwm Gwledig CLlLC:

“Bydd ffocws parhaus ar bledio’r achos, fel bod pawb sy'n gwneud penderfyniadau yn Llywodraethau Cymru a'r DU yn deall yr heriau a'r cyfleoedd sy'n wynebu Cymru Wledig yn llawn. Mae’r cymunedau hyn wedi’u hanwybyddu ers gormod o amser. Byddwn yn dechrau gydag ymgysylltu â Grŵp Gwledig Aelodau Cynulliad Trawsbleidiol Cynulliad Cymru newydd, ac ymgysylltu â budd-ddeiliaid gwledig allweddol a phartneriaid ar draws Cymru, y DU ac Ewrop.”

Dywedodd y Cynghorydd Dyfrig Siencyn (Gwynedd), Llefarydd Materion Gwledig ar y Cyd CLlLC a Chyd-gadeirydd Fforwm Gwledig CLlLC:

“Fel Arweinwyr awdurdod lleol, rydym yn ymwneud llawer â Bargeinion Dinas a Bargeinion Twf ar draws Cymru. Rydym hefyd yn gyfrifol am y cymunedau gwledig yn ein hardaloedd ac mae angen i’n cynlluniau datblygu rhanbarthol eu hymgorffori, ochr yn ochr â’n cymunedau trefol. Mae Fforwm Gwledig CLlLC diweddar wedi mynegi pryderon difrifol, yn enwedig dros yr ansicrwydd cyfredol ynghylch ariannu datblygiad gwledig a sgiliau yn y dyfodol. Er mwyn cynllunio ymlaen llaw yn effeithiol, mae angen i ni wybod pa drefniadau a chyllid fydd yn eu lle wedi i’r DU adael yr UE.”

Bydd gan Aelodau CLlLC gyfle i gyfrannu at y trafodaethau ar y cynlluniau ar gyfer Fforwm Gwledig wedi’i ailfywiogi yn ystod sesiwn gweithdy yng Nghynhadledd Flynyddol CLlLC ddydd Iau 28 Mehefin. Bydd Adroddiad yn cael ei gyflwyno yng nghyfarfod cyffredinol blynyddol CLlLC ddydd Gwener 29 Mehefin, yn amlinellu ffocws newydd y Fforwm Gwledig a bydd Datganiad o Fwriad yn cael ei ddatblygu'n cynnwys y prif gwestiynau, wedi’u targedu at Lywodraethau Cymru a’r DU.

-DIWEDD-

]]>
http://www.wlga.cymru/invigorate-rural-communities-to-face-brexit-says-wlga-rural-forum http://www.wlga.cymru/invigorate-rural-communities-to-face-brexit-says-wlga-rural-forum http://www.wlga.cymru/invigorate-rural-communities-to-face-brexit-says-wlga-rural-forum Fri, 15 Jun 2018 13:23:00 GMT
‘Newid yw’r unig sicrwydd’ mewn cymunedau gwledig wedi Brexit Bydd angen mwy o gefnogaeth ar gymunedau cefn gwlad i ymateb i’r newid mawr wrth i’r DU ymadael â’r UE, meddai arweinwyr cynghorau gwledig Cymru.

Yn aelod o Grŵp Bord Gron ar Brexit wedi’i sefydlu gan yr Ysgrifennydd Cabinet dros Ynni, Cynllunio a Materion Gwledig Lesley Griffiths AC, mae WLGA wedi bod yn gweithio gyda Llywodraeth Cymru yn paratoi am wahanol senarios Brexit.

Mae adroddiad sydd wedi ei gyhoeddi gan y grŵp yr wythnos hon yn ei gwneud yn glir mai ‘newid yw’r unig sicrwydd’ mewn cymunedau gwledig wrth i Gymru a’r DU baratoi i ymadael yr UE, a does dim amheuaeth gan awdurdodau lleol o’r rhan y bydd rhaid iddynt ei chwarae wrth reoli yr hyn a allai fod yn newidiadau seismig.

Dywedodd y Cynghorydd Rosemarie Harris (Powys), Cyd Lefarydd WLGA dros Faterion Gwledig:

“Rydyn ni’n gwerthfawrogi ymagwedd gynhwysol yr Ysgrifennydd Cabinet wrth baratoi ar gyfer Brexit, ac edrychwn ymlaen i barhau i gydweithio’n agos wrth i’r gwaith brysuro ymhellach ac wrth i ddigwyddiadau i ddatblygu.”

“Fel darparwyr gwasanaethau yng nghefn gwlad, mae awdurdodau lleol wedi eu lleoli yn ddelfrydol i adnabod anghenion y cymunedau hynny wrth i’r DU baratoi i adael yr UE. Fel a amlinellir mewn adroddiad diweddar gan y Sefydliad Polisi Cyhoeddus i Gymru mae cymunedau gwledig yn fwy bregus i heriau Brexit, a mae’n rhaid i awdurdodau lleol fod yn rhan o’r holl drafodaethau ar drefniadau deddfwriaethol newydd i ddatblygu ymatebion synhwyrol a cyfannol i unrhyw heriau. Mae ffermio a’r sector amaethyddol yn bwysig iawn i economïau gwledig, ond mae’n rhaid hefyd cofio am gyfraniad eraill megis busnesau bach a buddsoddwyr mawr megis y sector addysg pellach ac uwch yn yr ardaloedd hynny.”

Dywedodd y Cynghorydd Dyfrig Siencyn (Gwynedd), Cyd Lefarydd WLGA dros Faterion Gwledig:

“Fel y rhan o lywodraeth sydd yn gweithredu tua 60% o holl ddeddfwriaeth yr UE, mae gan lywodraeth leol diddordeb unigryw ac allweddol mewn dyfeisio fframweithiau llywodraethol newydd wedi Brexit, ac i bennu cyfeiriad polisïau newydd ar lefelau DU a Chymru.

“Mae’r agenda wledig yn llawer ehangach na’r sector amaethyddol pwysig yn unig, a mae’n rhaid i ni sicrhau y bydd cefnogaeth addas ar gyfer busnesau a chadwyni cyflenwi i amddiffyn economïau gwledig wrth iddyn nhw baratoi am gyfnod o newid trawsnewidiol heb ei debyg.”

 

-DIWEDD-

Nodiadau i Olygyddion

]]>
http://www.wlga.cymru/change-is-the-only-certainty-in-post-brexit-rural-communities http://www.wlga.cymru/change-is-the-only-certainty-in-post-brexit-rural-communities http://www.wlga.cymru/change-is-the-only-certainty-in-post-brexit-rural-communities Tue, 20 Feb 2018 14:53:00 GMT